أمير مرتضى منصور: لو عندي فرصة أشتغل مع تركي آل الشيخ هعمل كده
قال أمير مرتضى منصور المشرف العام السابق على الكرة في نادي الزمالك، إنه إذا أتيح له الفرصة للعمل مع المستشار تركي آل الشيخ سيعمل معه.
تصريحات أمير مرتضى منصور
وقال أمير مرتضى منصور في تصريحات مع الإعلامية أميرة بدر على قناة النهار: تركي آل شيخ ساعدنا واتعاملت معاه وهو ذكي جدًا وأنا بحترم ده.
وأكمل: الفكرة مش في فلوس تركي آل الشيخ، هو راجل بيحب مصر جدًا، وكان بيحكي ذكرياته مع النادي الأهلي، وعمل طفرة في السعودية ونقل الطفرة من الرياضة للترفيه، ورجل مناسب في مكان مناسب، وده مشروع دولة وهو بيمثله.
وتابع أمير مرتضى: احنا في مصر خسرنا المستشار تركي آل شيخ، وهو مسئول بيحب مصر زي السعودية، وعنده أفكار وإمكانيات مادية كان لازم نستفيد منه، وهما عندهم نظام نفسي يبقى عندنا نظام زيه.
وواصل: تركي آل الشيخ من الناس اللي أحب أتعامل معاهم، وبيحب بيراميدز، وقدر ينجحه، ولو عندي فرصة أشتغل في حاجة معاه هعمل كده، مش زي ما بيحصل دلوقتي في اتحاد الكرة.
وأتم أمير مرتضى منصور تصريحاته قائلا: المستشار تركي آل الشيخ ساعدنا حبا في مرتضى منصور، وهو مش محتاج يعمل كده، هو نفس شخصية مرتضى منصور لكن بتحديث جديد.
