إسعاد يونس: سهير البابلي كانت بتاعة ربنا.. ومش قادرة أتخيل منطق الموت وإن سمير غانم مش موجود
كشفت الفنانة والإعلامية إسعاد يونس، اللحظات الأخيرة في حياة صديقتها الفنانة سهير البابلي، مؤكدة أنها لا تقدر أن تستوعب منطق الموت.
وقالت إسعاد يونس، في حوارها مع الإعلامي عمرو أديب، والفنانة أصالة، في بودكاست Big Time: سهير البابلي كانت بتاعة ربنا وقفلتها بتاعة ربنا، وأنا كنت معاها لغاية قبل الوفاة بدقيقة في غرفة الإنعاش، وكان لازم أقولها قومي وشدي حيلك، ولكن هي صحيًا مكانتش جاهزة، هي ماتت معززة بـ بنتها.
وأضافت: أكيد أنا أوقات بكون لا أحتمل، وجالي وقت لما أزعل ببقى كئيبة وخلقة متتشافش، وبعدين اكتشفت أن الحياة بتروح في ثانية، وأنا مش أتخيل أستوعب منطق الموت، ومش قادرة أتخيل أن سمير غانم نام مغمض عينيه ومبقاش موجود، دي حاجة مجنناني في الحياة، ومش قادرة أتخيل المنطق، وكل ثانية من عمر الإنسان مش راجعة.
إسعاد يونس
وعلى جانب آخر، شاركت الفنانة إسعاد يونس، في السباق الرمضاني الجاري، من خلال مسلسل كامل العدد +1، والذي عُرض في النصف الأول من شهر رمضان، وحقق نجاحًا كبيرًا.
وشارك في بطولة مسلسل كامل العدد +1، كلًا من: دينا الشربيني، شريف سلامة، صدقي صخر، إسعاد يونس، أحمد كمال، تيم عبده، ألفت إمام، ميمي جمال، جيهان الشماشرجي، والعمل من تأليف رنا أبو الريش، وخالد الحلفاوي.
