ميار الببلاوي: فنانة حطتلي سم في الأكل بسبب الغيرة.. وقلبي اتوجع لما ياسر جلال رفضني في الفتوة
تحدثت الفنانة ميار الببلاوي، خلال استضافتها في برنامج العرافة، تقديم الإعلامية بسمة وهبة، عن عدة موضوعات شخصية في حياتها، منها خطيبة نجلها السابقة التي لم تكن تحب ميار.
وقالت ميار الببلاوي خلال حلقتها بـ برنامج العرافة: خطيبة ابني السابقة من أول يوم قالتله شوفلك حل في أمك، هي كانت بنت ناس ومحترمة بس محبتنيش، وده ابني الوحيد، حاولت معاها بس كانت بتروح تعمل كل حاجة لوحدها، وهو مكنش بيصدقني، وفي الآخر هو اللي اقتنع، وأول حاجة قولتها ليها أنا عايزاكي تبقي بنتي مش مرات ابني.
ميار الببلاوي: فنانة حطتلي سم في الأكل بسبب الغيرة
وتابعت ميار الببلاوي، كاشفةً تعرضها في وقت سابق لطعام به سم، وقالت: حصل إن في فنانة حطتلي سم في الأكل بسبب الغيرة، عشان كانت بتحب حد والشخص ده قالها إنه بيحبني أنا.
وتطرقت ميار الببلاوي، للحديث عن علاقاتها بالوسط الفني، مشيرة إلى إنها لا تحب طلب فرص عمل من أحدا، وقالت: في أوقات كنت محتاجة أشتغل وبرغم إني من نفس جيل السقا وكريم عبد العزيز وغيرهم، لكن عمري ما رفعت السماعة وقولت لحد شغلني معاك، ولكن اتجرأت في مرة وكلمت ياسر جلال لأنه جدع، وقولتلته عايزة أشتغل معاك في مسلسل الفتوة، قالي مقدرش عشان مليش حكم على المسلسل، واليوم ده قلبي اتوجع جدا.
