مسلم لـ أميرة بدر: كنت بأذن ومسؤول عن جامع.. وحاليا متقطع في الصلاة بسبب شغلي والتزاماتي
كشف مطرب المهرجانات مسلم، أنه كان مسؤول عن مسجد ويؤذن للصلاة وهو بعمر 18 عامًا، واستمر ذلك لمدة 3 سنوات قبل اتجاهه للغناء، كما فاجئ أميرة بدر بتأديته للأذان خلال حلقته معها في برنامج أسرار المذاع عبر شاشة النهار.
وقال مسلم: وأنا عمري 15 سنة، كنت مسؤول عن جامع وبفتح المسجد وبأذن في المسجد لمدة 3 سنين بشكل متواصل، وكنت ملتزم ومتدين، ولكن أنا كنت مكتشف أن صوتي حلو من قبل ما أذن.
وأضاف مسلم: بحب الغناء وبغني من وأنا 8 سنين، وأبتديت أذن وأكون مسؤول عن الجامع اللي جمب بيتي وافتحه للناس من سن 15 سنة ولحد ما كان عمري 18 سنة مسؤول عن الجامع، وكانت فترة جميلة واللي خلاني ارجع أغني لأني كنت بحب موهبتي أوي وصوتي بقى كويس بسبب تجويد القرآن لأنه بيحسن الصوت.
وأكمل مسلم: تعبت واتمرمطت أوي عشان أرجع أغني وكان حلمي أوصل بموهبتي لهدف أقول أني هوصل وهعمل ده، بغض النظر عن تقديمي للقرآن، ومبقتنعش بكلام الشيوخ أن الغناء حرام والدين بتاعنا ده دين الأخلاق وربنا هيحاسب كل واحد على نواياه.
مش ملتزم في الصلاة بسبب شغلي
وكشف مسلم أنه أصبح غير ملتزم مثل السابق موضحًا: ممكن أصلي ولكن في حاجات بتفوتني ومش ملتزم زي الأول وأن شاء الله ربنا يهديني وأرجع تاني التزم، ومتقطع في الصلاة بسبب شغلي غصب عني لأني ملتزم في حاجات كتير لازم اعملها زي وبنود عقود لازم أعملها وفي حاجات كتير بتسحلني وكفاية اللي أنا فيها حوار الجواز والخطوبة.
