أبرز تصريحات ماجد الكدواني: أمي دعتلي ربنا يفرّج عليك خلقه.. وروحت لدكتور نفسي بسبب دوري في تراب الماس
حل الفنان ماجد الكدواني، ضيفا على بودكاست Big Time، الذي يقدمه الإعلامي عمرو أديب، والفنانة أصالة، وتحدث خلال الحلقة عن العديد من الموضوعات بشأن حياته الشخصية والعملية.
ونستعرض في السطور التالية أبرز تصريحات ماجد الكدواني خلال لقائه بـ بودكاست Big Time:
-والدتي دعتلي ربنا يفرج عليك خلقه عشان أنا ممثل.
-مراتي في البداية قالتلي خلينا صحاب لما قولتلها أنا معجب بيكي.
-روحت لدكتور نفسي بسبب تأثري بشخصيتي في تراب الماس.
-كريم عبد العزيز حبيبي وساعات بنتكلم على التليفون لمدة 8 ساعات لأننا بنبقى جعانين مصداقية.
-صداقتي أنا وكريم عمرها 24 سنة ولو في يوم اتعصب عليا وقلع الجزمة وضربني بيها هسامحه.
-أبويا كان بيعلمني الالتزام وبيحتويني وياخدني في حضنه وضربني مرة واحدة في حياته لأني خبيت الشهادة.
-مكنتش مصدق إن كل النجوم دول حضروا فرح ابني ودي المحبة الخالصة وبركة ربنا.
-وأنا في ابتدائي حبيت واحدة أكبر مني بـ 10 سنين.
-زوجتي بتتعامل مع الحياة بعقلها وأنا قلبي اللي بيحركني.
ماجد الكدواني يتحدث عن علاقته بـ كريم عبد العزيز
تطرق ماجد الكدواني للحديث باستفاضة عن علاقته بالفنان كريم عبد العزيز، الذي تجمعهما علاقة قوية منذ سنوات، حيث قال خلال حلقته بالبودكاست: كريم عبد العزيز حبيبي، الأمانة والصداقة، وساعات بنتكلم على التليفون لمدة 8 ساعات لأننا بنبقى جعانين مصداقية ومحتاجين نتكلم براحتنا، وسر علاقتي به أن مفيش رقابة ومفيش حساب ومحدش هيمسك على التاني حاجة، صداقتنا عمرها 24 سنة، ومراتي دايمًا تقولي ربنا يبعد عنكم العين، وكريم لو في يوم اتعصب عليا ولو قلع الجزمة وضربني بيها هسامحه علشان ميبقاش حسد، وشهادة قدام ربنا لو عمل فيا إيه هسامحه.
أعمال ماجد الكدواني
وعلى جانب الأعمال الفنية، يعد فيلم أبو نسب آخر أعمال ماجد الكدواني، الذي عرض في في عام 2023، بطولة كل من الفنانة ياسمين صبري، محمد إمام، وفاء عامر، هالة فاخر، صلاح عبد الله، شيرين رضا، محمد ثروت، محمد رضوان، حاتم صلاح، علاء مرسي، وغيرهم، والعمل من إخراج رامي إمام.
