يسرا اللوزي: مفيش مشاكل بيني وبين نسرين أمين.. وكان نفسي والدي الراحل يتفرج على صلة رحم
حلت الفنانة يسرا اللوزي، ضيفة مع الإعلامية إنجي علي، في برنامجها نجوم رمضان أقربلك، المذاع عبر محطة نجوم إف إم، وتحدثت خلال الحلقة عن عدة موضوعات، منها افتقادها لوالدها الراحل محمود اللوزي.
وتحدثت يسرا اللوزي خلال لقائها مع إنجي علي، عن ظهورها في برنامج رامز جاب من الآخر، بجانب الفنانة نسرين أمين، مؤكدةً على أنه لا يوجد خلافات بينهما، حيث قالت: مفيش مشاكل بيني وبين نسرين أمين، وسألوا قبل الحلقة هي يسرا ليها مشاكل مع مين، اتقالهم معندهاش مشاكل مع حد، مكنوش عارفين فجابوا شخصيتين عكس بعض في الحلقة، لأن فعلا أنا معنديش مشاكل مع حد.
وأضافت يسرا اللوزي، متحدثةً عن أفراد أسرتها: أنا شبه والدي أكتر وأخدت منه حب الفن والاتزام، إحنا عائلة ملتزمة في كل حاجة، مواعدنا مظبوطة وواضحة، واتعلمت إن مفيش حد أحسن من حد، كلنا زي بعض وكل البشر زي بعض، وكلمة ابن ناس بتُستخدم غلط.
يسرا اللوزي: عيطت أثناء ورشة تمثيل بسبب تشابه المتدربة مع والدي الراحل
وتطرقت يسرا اللوزي إلى الحديث عن والدها الراحل، المخرج محمود اللوزي، حيث قالت: كان نفسي والدي يكون موجود يتفرج عليا السيزون ده، حتي والدتي لاحظت إني بحاول أجتهد أكتر عشان أقرب منه، كنت بعمل ورشة تمثيل مع مخرجة إنجليزية جت مصر عدة مرات طريقتها في التدريس شبه والدي أوي، في مرة وأنا في الورشة وهي بتتكلم أنا عيطت لأن هو نفس كلامه، نفس الفلسفة في التدريب والتعامل في التمثيل.
