محمد على رزق: تواصلت مع دكاترة متخصصين في الشلل الدماغي من أجل صيد العقارب..وغادة عبد الرازق نجمة بمعني الكلمة
كشف الفنان محمد علي رزق تفاصيل تحضيراته لـ شخصيته في مسلسل صيد العقارب، بطولة الفنانة غادة عبد الرازق، حيث يجسد دور شخص من ذوي الاحتياجات الخاصة.
وقال محمد علي رزق في تصريحات لـ القاهرة 24: اشتغلت على دوري في مسلسل صيد العقارب من خلال المذاكرة الجيدة، ولما عرفت الشخصية مريض وعنده شلشل دماغي قاعدنا نذاكر لأن الشلل الدماغي مراحل كتير لحد ما وصلنا لمرحلة واحد ينفع يتجوز ويخلف، وبدأنا نشتغل عليها وأتمرن على مشيتها وقعدتها لحد ماوصلنا للشكل دا، الحمدالله بتوفيق ربنا.
وتابع محمد علي رزق: أنا بتعامل مع ناس من ذوي الاحتياجات الخاصة واعرف أصدقاء بالشكل ده عاملة إزاي وعارف الطريقة التعامل، الموضوع كله كان محتاج أركز بشكل طبي عشان أعرف أوصل لشكل الإعاقة صح، كنت بدور على الوضعية أكتر على اليوتيوب وبشوف دكاترة متخصصين وعندهم شلل دماغي وكنت بسمعها أكتر.
وعن تعاونه مع الفنانة غادة عبد الرازق، قال محمد علي رزق: الفنانة غادة عبد الرازق من الطف وانضف الناس الي تتعامل معاها في حياتك نجمة بمعني الكلمة بتحتوي كل اللي حاوليها وتهتم بيهم، ويكون الجميع كويس وطول الوقت بتدي دوافع للي حاوليها وفي ضهرهم وعايزاهم ينجحوا أكتر.
وأختتم محمد على رزق حديثه، قائلا: غادة عبد الرازق أكتر واحدة وقفت بجانبي في المسلسل، وكانت بتقولي أنت عامل شغل حلو وهتنجح ركز الناس بتتكلم عليك كويس من قبل ما يتعرض المسلسل.
