مسلم لـ أسرار: مش شايف منافس ليا.. وعمرو دياب مش قوي صوتيًا زيي
علق مطرب المهرجانات مسلم على مقارنته بنجوم الغناء ومطربي المهرجانات، مؤكدًا أنه لا يعتبر نفسه من بين مطربي المهرجانات الشعبية.
وقال مسلم، خلال استضافته ببرنامج أسرار مع الإعلامية أميرة بدر المذاع على قناة النهار: أغنية يا أصفر كانت من وحي خيالي وكان فيه مشكله ساعتها معايا، وهي سبحان الله نجحت، وغنيتها لواحد كان صديقي جدًا، ودلوقتي حبيبي وبموت فيه، وهو حودة بندق، وهو دلوقتى أخويا، كانت مشكلة واحنا صغيرين وهو طالع من قبلي وهو محترم ومن الناس اللي شقيت ولما اتشهرنا مع بعض أصابتنا عين بعدتنا عن بعض، فا استفزني بالكلام رحت رديت عليه بالشغل، وغنيتهاله، واتحسدنا لأننا نجحنا مع بعض كتير زي أغنية خطر جايبة 140 مليون وعاملين ألبوم مكسر مصر.
وواصل: المقارنة بيني وبين عصام صاصا وحودة بندق، كل واحد ناجح في حتته، وأنا مش شايف نفسي مع دول، مش معنى كده أنهم وحشين، أنا صنعت حتة ليا، أنا مش شايف منافس ليا، ولما بغني مع أي حد بحط حتتي، ودي أجمل حاجة بعملها، مش عايز أنافس غير نفسي، والطمع في البني آدم.
وأضاف: فيه أعلى من عمرو دياب، وحسين الجسمي أعلى واحد في العالم ليا، وعمرو دياب 40 سنة على القمة عشان تقيل ومختفي دايمًا، ونفسي اتميز زي سعد لمجرد لأنه سكتي، وعمرو دياب مش محتاج حد يقلده لأن صوته عادي، ومش قوي صوتيًا لكن تسمعه تحبه، أما أنا الاتنين، لو ربنا كرمني ووقفت قدامه هنشوف الحتة دي، لأن هيبقى رأي الناس، وأنا 23 سنة وعامل كده ما بالك لو 30 سنة هوصل لفين.
برنامج أسرار
برنامج أسرار تقدمه الإعلامية أميرة بدر على شاشة النهار يوميًا خلال شهر رمضان، في الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.
