مسلم: بشتري لبس بـ 200 ألف في الشهر.. ولبست شيفون لكن العرق الصعيدي بتاع حاجات تانية
علق مطرب المهرجانات مسلم، على حبه للملابس الغريبة المثيرة للجدل، بجانب أزمة ارتدائه شيفون في حفل خطوبته، خلال الفترة الماضية.
وقال مسلم، خلال استضافته ببرنامج أسرار مع الإعلامية أميرة بدر، المذاع على قناة النهار: كان نفسي في حاجات قبل ما أتشهر، وبقيت مدمن لبس، وروحي فيه، وفي حاجات بجيبها من بره، وبجيب لبس أجمد من جوتشي وديور، وأنا بعشق اللبس، وبشتري بـ 200 ألف في الشهر لبس.
وتابع: يوم الخطوبة لبست شيفون عشان مختلف وبحب الحاجة الغريبة، وطلعت في حفل العلمين بكروب توب، وبحب الحاجات المجنونة دي والهجوم نجاح، والعرق الصعيدي ده للحاجات التانية، وبحب الموضة لكن عمري ما ألبس حلق ولا أدق وشم، ولبسي الغريب متطلبات شغلي لكن مش بمشي بيه في الشارع.
برنامج أسرار
برنامج أسرار تقدمه الإعلامية أميرة بدر على شاشة النهار يوميا خلال شهر رمضان، في الساعة التاسعة والنصف مساءً، تستضيف من خلاله عددا من نجوم الفن والرياضة والسياسة في مصر.
