إزاي نرد على النظريات العلمية المخالفة للقرآن؟.. علي جمعة يكشف
أجاب الدكتور علي جمعة، مفتي الديار المصرية السابق، على سؤال طالبة بوجود نظريات نقوم بدراستها تخالف مع ما جاء في الدين، وناس شايفة إن القرآن فيه خطأ إزاي نرد عليهم؟
إزاي نرد على النظريات العلمية المخالفة للقرآن؟.. علي جمعة يكشف
وقال الدكتور علي جمعة، مفتي الديار المصرية السابق، خلال حلقة برنامج "نور الدين"، المذاع على قنوات الشركة المتحدة للخدمات الإعلامية، اليوم الخميس: جهلة، والجهل لا يبنى عليه حاجة والجاهل نعلمه، وعاوزين نعرف إيه اللي الحاجات اللي عاكسة دماغه ونفهمه، والجاهل هذا مبلغه من العلم، ومش بيكون عليه إثم إلا لو تكبر.
وسألت طفلة أخرى، طيب ليه في المنهج لا يصححون لنا هذه الأخطاء بحكم إننا دولة مسلمة؟
ورد الشيخ على جمعة: قولك معناه إن حضرتك مش بتقري، هناك آلاف الصفحات التي ألفت في هذا الموضوع وجاوبت عنه وانتهت منه، حاولي تكوني الباحثة عن الحقيقة، مش كل حاجة متاحة في النت اللي لحس دماغ الشباب، ارجعوا للكتاب لتجدوا صنفًا آخر من المعرفة مش هتلاقوه في الإنترنت.
طالب: هناك تعارض في مدة خلق الكون بين القرآن والعلم؟.. علي جمعة يرد
وأجاب الدكتور على جمعة، مفتي الديار المصرية السابق، على سؤال طالب حول إن هناك نظرية تقول إن الكون تكون فى آلاف السنين، وهناك آية تقول: "إِنَّ رَبَّكُمُ اللَّهُ الَّذِي خَلَقَ السَّمَاوَاتِ وَالْأَرْضَ فِي سِتَّةِ أَيَّامٍ"، فهل اليوم هنا المقصود به يوم الكرة الأرضية أم هناك مقاييس أخرى لليوم عند الله؟
وأوضح الدكتور على جمعة: ده يوم عند الله من أيام ربنا شوف بالنص كده في القرآن يوم يوم بخمسين ألف سنة من الأرض، (تعرج الملائكة والروح إليه في يوم كان مقداره خمسين ألف سنة).
وتابع: طيب لو ارتفعنا أكثر هيكون بمليار سنة، أو أكثر، فى يوم بألف سنة، طيب لو العلم قالي ده إحنا عرفنا إن الكون خلق فى 6 مليار سنة، طبعا مفيش تعارض.
