حسام حبيب: بحس شيرين صاحبي الولد.. وإحنا مش علاقة توكسيك زي ما الناس فاكرة
تحدث الفنان حسام حبيب عن علاقة شيرين عبد الوهاب بجمهورها في السنوات الأخيرة وتراجعها في الأداء، وعن تسمية علاقتهما بـ أنها علاقة سامة.
وقال حسام حبيب في تصريحات تليفزيونية: شيرين عبد الوهاب هي شيرين قبل حسام وبعد حسام ومحصلش حاجه تنزلها لـ تحت.. بعد الكورونا عملت أكتر حفلات والأغاني.
وأضافت حسام: حسابات الناس دنيوية جدًا وشيرين محاولتش تفرض كلامها عليا.. هي شخصية بسيطة جدًا، وكان نفسها تجيب بيت في القلعة، وغلطاتنا الوحيدة أن حياتنا اتفتحت على الناس فترة من الفترات واتنقل للناس أن العلاقة دي توكسيك وده مش حقيقي والناس بتسلط عليكي ضغط.
ورد الفنان حسام حبيب حول الجدل الدائر عن علاقته السابقة بالنجمة شيرين عبد الوهاب، وعن تصنيفها بين الجمهور بأنها من أشهر العلاقات السامة قائلًا: للأسف تصرفات شيرين وقت غضبها، خلى الناس تقول أن العلاقة دي توكسيك، لكن ده مش الحقيقي، والست لما بتغضب مينفعش تحاسبها.
وأضاف حبيب: ارتباطي بشيرين ارتباط صداقة ومن مميزات شيرين أني بحس أنها صاحبي الولد، مش زي البنات، يعني مبتتكلمش في المواضيع اللي البنات اللي بيتكلموا فيها مبتنمش على حد مبتحسبهاش حسابات البنات.
واستكمل: شيرين أول بني آدمه اتجوزها وأعيش معاها، أنا عمري ما عيشت برا بيت أهلي طول عمري عايش مع أمي واختي بعدها رحت على العيشة مع شيرين، شيرين مكانش في بيني وبينها معاملة الزوج والزوجة احنا دايمًا كنا عايشين أصدقاء.
واختتم حسام حديثه: الناس ممكن تكون كانت مستكتره شيرين عليا لأن حسابات الناس حسابات دنيوية جدًا، واحدة مكان شيرين كانت ممكن تقول هروح اتجوز واحد غني ولا اتجوز واحد أكبر مني في السن يستوعبني، لكن انا في نفس سنها تقريبًا وأصحاب كأننا اتنين ولاد قاعدين مع بعض، لكن شيرين شخص بسيط جدًا وبتاخد سعادتها من حاجات بسيطة جدًا.
وأكمل الفنان حسام حبيب حديثه قائلا: للأسف في لحظات الغضب حصل من شيرين خلت الناس أن دي علاقة توكسيك، لكن ده مش حقيقي وأنا وهي أصحاب لحد النهاردة رغم الانفصال.
