حسام حبيب: والدي انتقد شيرين عشان يعاقبني.. وأهلها عملوا فيها كده لما عرفوا إنها عايزة ترجعلي
قال الفنان حسام حبيب، إنه عندما تزوج من شيرين عبد الوهاب، كانت منفصلة عن عائلتها، وكانت تحذره دائمًا من التقرب منهم، مشيرًا إلى أن هناك تارا بينه وبين أسرتها لم يعرف سببه حتى الآن.
حسام حبيب: لما اتجوزت شيرين كانت مقاطعة أهلها.. وأنا اللي صالحتها عليهم
وأوضح حسام حبيب في تصريحات تلفزيونية: لما اتجوزت شيرين كانت مقاطعة أهلها وأنا اللي صالحتها عليهم، وحذرتني مقربش منهم، كنت بقول مأفورة أوي.
حسام حبيب: أهل شيرين عملوا فيها كده لما عرفوا إنها عايزة ترجعلي
وأضاف حسام حبيب: وأهلها عملوا فيها كده لما عرفوا إنها عايزة ترجعلي، فيه تار بينهم وبيني معرفش ليه.
وعن الانتقادات التي تعرضت لها شيرين عبد الوهاب من قبل والده، قال حسام حبيب: والدي انتقد شيرين عبد الوهاب علشان يعاقبني، هو عمل كده لما غضب مني بعدما اتكلمت مع الإعلامي عمرو أديب إني مليش علاقة قوية بيه، خد الكلمة على كرامته وطلع هاجمني ونسى إنه أتدخل في علاقة مالوش دعوة بيها.
قلت لأبويا أنت متعرفش شيرين ووعدني ميتكلمش عليها.. وتاني يوم طلع اتكلم
استكمل حسام حبيب: كان في الأول بينتقد شيرين والناس افتكرت إن ده رأيي أنا وأبويا، روحت اتكلمت معاه قولتله أنت متعرفش شيرين بلاش تنتقدها لأن ده في وشي، ووعدني إن مش هيتكلم في الموضوع وطلع تاني يوم اتكلم فيه.
أعمال حسام حبيب
يذكر أن حسام حبيب طرح مؤخرا أحدث أغانيه بعنوان كدابة، عبر موقع الفيديوهات الشهير يوتيوب، وحققت الأغنية نجاحا كبيرا.
وتعد أغنية كدابة ضمن ألبوم حسام حبيب الجديد، وهي من كلمات عمرو المصري، وألحان إسلام رفعت، وتوزيع موسيقي أمين نبيل.
كلمات أغنية كدابة
وتقول كلمات أغنية كدابة: كدابة مليانة عيوب طبعك قلابة بتعيشي في دور إنك متسابة أستاذة في التمثيل واخدة شهادة وتوكيل.. بتخبي وشوشك وبتتداري في وش غلابة نساية ناكرة الأيام الحلوة معايا مش بنت أصول ولا فيكي مزايا.. شخصياتك أنواع هايلة في فن الأوجاع وخلصت أنا منك آه خرجتك من جوايا.
