الحقوني قلبي هيقف.. ننشر استغاثة حبيبة أسامة بأسرتها خلال محاولة اختطافها | خاص
حصل القاهرة 24 على نص المحادثات بين الفتاة حبيبة أسامة وعائلتها، بعد محاولة تعرضها للاختطاف من سائق يعمل في شركتي توصيل المواطنين إندرايف وأوبر مصر، بجوار مطار القاهرة.
استغاثة حبيبة أسامة بأسرتها بعد محاولة اختطافها من سائق
وجاء في نص المحادثات بين الفتاة حبيبة أسامة وعائلتها: الحقوني السواق داخل في أماكن غريبة، الحقوني قلبي هيقف، السواق طلع من الطريق الأساسي اللي ماشية فيه ودخل في طريق الشركة الخليجية اللي في أكتوبر، أنا اتوترت وقولتله أنا انتهيت.
فيما حاولت أسرة الفتاة حبيبة أسامة تهدئتها وطلبوا منها إرسال موقعها بشكل مباشر، حتى يتمكنوا من متابعة خط سير قائد السيارة من منطقة أكتوبر وحتى مطار القاهرة، لتستقل الفتاة الطائرة والمغادرة خارج مصر.
علم القاهرة 24، أن شركة إن درايف تواصلت مع حبيبة أسامة، بعد تعرضها للمضايقة من سائق يعمل لدى الشركة، بالإضافة إلى عمله في شركة أوبر، للوقوف على ملابسات الحادث.
وأوضحت الفتاة حبيبة أسامة أن السائق افتعل معها المشادة، عقب غلق تطبيق شركة إن درايف والعمل على تطبيق شركة أوبر، ليتمكن من الحصول على عائد أعلى.
وأوضحت شركة إن درايف، أن فريق الجودة بالشركة تواصل مع الفتاة حبيبة أسامة وأخبرها أنه تم حظر السائق من العمل بالشركة، نظرًا للمخالفات التي ارتكبها مع الفتاة ومع أخريات، بالإضافة إلى عمله في شركة منافسة في نفس التوقيت.
وعن الواقعة قالت حبيبة أسامة: حصل بينا خلاف على أجرة لمشوار مطار القاهرة، وأنا قولتله ممكن توصلني اللوكيشن القديم وهديك فلوسك قالي هو اللوكيشن كان فين، قولتله نزلني قدام المطار فوقف مكان فيه ميكروباصات، وقالي اللوكيشن هنا قولتله ده اللوكيشن مش قولتلي إنه قدام المطار؟، قام مشي تاني وقالي هنزلك حته أقرب، لقيته بيدخل في شوارع وده مش طريق المطار، والطيارة لسه عليها نص ساعة وبيقفلوا الكاونتر فقولتله ممكن تنزلني هنا عشان ألحق أطلب حد تاني، مكانش راضي لحد ما زعقتله.
وواصلت: وبعدين طلبت منه كذا مرة ينزلني، وقف في مكان كله عربيات شحن كبيرة، ونزلت وإديته 260 جنيه قعد يقولي ممكن تدفعيلي 500 ده تمن الرحلة، قولتله هو مش حضرتك نزلتني في اللوكيشن القديم اللي بتقول عليه يبقى ليه أدفع سعر الرحلة، قالي ماليش دعوة ده حقي لازم تدفعي، قولتله ممكن الشنطة عايزة ألحق الطيارة قالي مفيش شنطة غير لما تدفعي.
