إمام عاشور: بروح لطبيب نفسي بسبب العصبية ورضا عبد العال هجاص
قال اللاعب إمام عاشور إن من أكتر العيوب التي يراها في نفسه هو أنه متهور ومن الشخصيات التي تفعل أول قرار يأتي في تفكيرها، لكنه مع الوقت بدأ ويحاول علاج هذا الأمر، ويتعلم التأني وأن يُصبح أهدى بشكل أكبر من ذلك.
إمام عاشور: بروح لطبيب نفسي بسبب العصبية ورضا عبد العال هجاص
وأضاف عاشورفي تصريحات تليفزيونية: من زمان بروح لدكتور نفسي دايمًا، وهو بيساعدني كتير في حياتي، وساعدني كتير الفترة اللي فاتت دي وعلمني أكون ماسك أعصابي أكتر، خاصة في الملعب، وأنا اللي قررت أروح له من نفسي لأني بحب المغامرات.
وأضاف لاعب الأهلي: أول عيب في نفسي صارحته بيه هو إني عصبي وبالجلسات اتعلمت منه إزاي أخفف العصبية، ومنظومة النادي الأهلي علمتني أصلح حاجات في نفسي علشان أكون أفضل.
إمام عاشور وأزمته مع وليد سليمان ورضا عبد العال
وتطرق إمام عاشور في حديثة عن أزمته السابقة مع وليد سليمان نجم الأهلي السابق قائلا: غلطت في حقه واللي عملته مكانش يصح.
وعن أزمته مع المحلل الرياضي رضا عبد العال، قال إن رضا عبد العال موجود على الشاشات لأن الجمهور المصري يحب الضحك، وما يفعله رضا عبد العال غرضة الضحك والإفيه، والترند، قائلًا: أنا بحب رضا عبد العال جدًا والله وبيضحكني جدًا وزي ما طلع اتكلم عليا اتكلمت عليه وقلت عليه هجاص واتشهر بيها.
