دنيا سمير غانم عن الفارق بينها وبين شقيقتها إيمي: شبه بعض في حب الناس واحترامهم.. وستات كبيرة بتقابلني تقولي خليكم مع بعض
حلت الفنانة دنيا سمير غانم، ضيفة على برنامج Big Time الذي يقدمه الإعلامي عمرو أديب، وتحدثت خلال لقائها عن علاقتها بشقيقتها إيمي بعد رحيل والديهما.
وجه الإعلامي عمرو أديب خلال الحلقة سؤالا للفنانة دنيا سمير غانم، حول هل يوجد تواصل بينها وبين شقيقتها بشكل مستمر بعد رحيل والديهما، قائلا: بتتكلموا كتير أنتي وإيمي وقريبين من بعض ولا الحياة خلت كل واحد في حتة.
لترد عليه دنيا سمير غانم قائلا: إحنا على طول مع بعض وبعد بابي ومامي هي جت سكنت جمبي، لأن حسن كان مرتبط بمامته وإيمي كانت مرتبطة ببابي، فلما هما مبقوش موجودين بقينا كلنا جنب بعض، ومن الحاجات اللي بسمعها لما بقابل ستات كبيرة يقولولي خليكي مع أختك.
دنيا سمير غانم: مفيش فرق بيني وبين إيمي في الجانب الإنساني
وتابعت دنيا سمير غانم: أنا هعيط تاني يا أختي، أنا معملتش حاجه أنا بتكلم عن إيمي، طب نتكلم عن حسن الرداد مبيعيطش ده، لا ما هو حسن لسه إمبارح كنت بشوفله مشهد من مسلسله بتاع رمضان قعدت أعيط.
استكملت دنيا سمير غانم حديثها قائلة: مفيش فرق بيني وبين إيمي في الجانب الإنساني، زي حبنا للناس واحترمنا لشغلنا، الحاجات اللي تربينا عليها، لكن في اختلاف في الطباع أنا هادية جدا وممكن أقعد أشيل، لكن إيمي بتهزر طول الوقت، واخده جينات خفة الدم من بابي، وفي حياتها عصبية جدًا.
أعمال دنيا سمير غانم
يذكر أن مسلسل جت سليمة، آخر أعمال دنيا سمير غانم، حيث عرض العمل في السباق الرمضاني لعام 2023، وحقق العمل نجاحا كبيرا فور عرضه، إذ يدور العمل في إطار كوميدي حول فتاة تبدأ بقراءة كتابا قديمًا وبمجرد قراءته تسافر عبر العديد من الأزمنة المختلفة لتواجه العديد من المواقف الطريفة.
