أحمد عبد الحميد: بحمد ربنا إنه عرفني بـ محمد إمام.. وبنحضر لفيلم شمس الزناتي
أعرب الفنان أحمد عبدالحميد عن سعادته بالتعاون مع الفنان محمد إمام في مسلسل كوبرا، الذي يعرض حاليًا ضمن السباق الرمضاني.
وقال أحمد عبد الحميد، في لقائه مع القاهرة 24: محمد إمام شخص بيحب الناس كلها تكون مبسوطة وبيفرح كل الناس، اللي بتشتغل معاه وهو فنان رائع ومبسوط إن ربنا عرفني بشخص زي ده.
وتابع عن شخصية حربي بمسلسل كوبرا: حربي بني آدم زي أي حد جواه خير وشر والتصرفات الغلط اللي بيعملها أكتر بسبب سوء معاملة أو تربية، نابعة من اللي حواليه بسبب عدم أخذ حقه منهم ودا نتج إنه يبقى شخص غبي.
وأضاف أحمد عبدالحميد: بحب التضارب في المشاعر ناحية الشخصية اللي الشخص بيقدمها لإن مافيش شخصية حد بيتفق عليها أو حد بيختلف ونجاح الشخصية أن الناس تكون متناقضة في ردود الفعل عليها.
أما عن مشاركته في فيلم شمس الزناتي، فعلق أحمد عبد الحميد: بنحضر لفيلم شمس الزناتي مع بعض، وعلاقتنا هتكون كويسة وبعيده عن كوبرا وحربي.
قصة مسلسل كوبرا
تدور قصة أحداث مسلسل كوبرا في إطار الدراما الشعبية، حول صاحب ورشة ﻹصلاح السيارات، يواجه الكثير من العقبات في حياته، ويتعرض لمواقف غريبة، تضعه في صراع بين الخير والشر، ويعود محمد إمام، للدراما الرمضانية بمسلسل كوبرا بعد غياب 3 سنوات.
