مش أول مرة تحاول الانتحار.. المتهمة بقتل نيرة صلاح طالبة العريش تكشف مفاجأة في التحقيقات|انفراد
كشف أمر الإحالة في قضية طالبة العريش نيرة صلاح التي عثر على جثتها متواية نتيجة تناول حبة الغلة داخل المدينة الجامعية بالعريش، أن المتهمين هددا المجني عليها.
تحقيقات نيرة صلاح
وينفرد القاهرة 24 بنشر أمر الإحالة في القضية التي حملت رقم 675 لسنة 2024 جنايات أول العريش والمقيدة برقم 91 لسنة 2024 جنايات كلي شمال سيناء، والمتهم بها كل من ش. أ، وط.م.
ووجهت جهات التحقيق إلى المتهمة الأولى ش. أ تعديها على حرمة الحياة الخاصة للمجني عليها سالفة الذكر بأن نقلت إلى هاتفها النقال المحادثات آنفة البيان التي جرت في مكان خاص عبر أحد التطبيقات الإلكترونية عن طريق التليفون والمدرجة علي هاتفها التقال دون علمها ورضاها وفي غير الأحوال المصرح.
نص اعترافات المتهمة في واقعة نيرة صلاح
واعترفت المتهمة أمام جهات التحقيق أنا أعرف نيرة صلاح منذ بداية شهر أكتوبر عام 2022 من خلال الزمالة في المدينة الجامعية لأننا في أول سنه في كلية طب بيطري جامعة العريش وكنا أنا وهي زملتنا مقيمين في غرفة واحدة في المدينة وفي شهر نوفمبر وحدة من زمالينا أتنقلت الجامعة كفر الشيخ وإدارة المدينة نزلت لينا وحدة مكانها وبعدين في نفس الشهر نيرة قعدت علي سور بلكونة الغرفة في المدينة الجامعية فالمشرفة جريت عليها وقالتلها إنتي عايزة تنتحري هتودينا في داهية أنا هنزل أقول لمس هناء.
أقوال المتهمة في واقعة نيرة صلاح
وأكملت المتهمة أمام جهات التحقيق: وبعدين لما نزلت لميس هناء فإتصلت بمامتها وقالتلها بنتك حاولت تنتحر تعالي خديها علشان هعملها إخلاء ولازم تطلع من المدينة حالا فنيرة قعدت تعيط وقعدت تتحايل علي المس وقالتلها آخر مرة وبعدين المس سامحتها وحزرتها متعملش كده تاني وبعدين لما ولاء ومريم بدأوا ينزلوا أجازات في أواخر شهر ديسمبر لقيت البوك بتاعي ناقص 200 جنية ومكنش في غيري أنا وهي في الأوضة ومحدش دخل لينا خالص فأنا واجهتها قالتلي دي عفاريت ما ده العادي بتاعك كل حاجتك بتختفي لأنني في حاجات كتير ضاعت مني ذي بيرفيوم وغسول والمصلية بتاعتي إختفت والكلام ده كان في شهر نوفمبر.
واستكملت المتهمة حديثها أمام جهات التحقيق: وبعدين إحنا كنا بتلاحظ أنها بتسجل لينا وإحنا بنهزر ونضحك ونشتم وتبعته لزميلنا، ي. م، لدرجة أن زميلنا ده قال دول سمعتهم وحشة أخرجي من الأوضه دي واللي قالتلي كده نيرة وقالتلي كمان إن مامتها قالتلها سجلي لزميلتنا وهي بتشتم وأنزلي لمس هناء علشان ترفدها من المدينة فأنا عاتبتها أنها بعتت لزميلنا المحادثات الخاصة بتاعتنا.
