أحمد العوضي: ياسمين عبد العزيز هي الحب الحقيقي والوحيد في حياتي
تحدث الفنان أحمد العوضي، عن علاقته بطليقته الفنانة ياسمين عبد العزيز، مؤكدًا أنها الحب الحقيقي والوحيد في حياته.
وقال أحمد العوضي، في تصريحات تلفزيونية: أصدق حب في حياتي كان ياسمين عبد العزيز وهي الحب الحقيقي والوحيد في حياتي، لأني عيشت معاها أيام ومواقف ومراحل، وهفضل أقول كده على طول لأني مش هعيش اللي عيشته مع ياسمين تاني، أنا بقول كلام ممكن يتاخد عليا بعد كده ولكن دي الحقيقة.
وأكد العوضي، أن حب الرجل للمرأة ليس بضعف، قائلًا: مين قال إن حب الراجل للست ضعف؟ أنت ممكن تبقى ضعيف قدام اللي بتحبها من حبك ليها، أنا ممكن أحسسها بحبي ليها بـ رجولة.
وتابع: أنا مش بطبعي رومانسي.. وبحب الرومانسية تبقى ناشفة ومش بحب الرومانسية اللي فيها تلزيق بتضايقني، وأنا بني ادم ليا كسري وضعفي.. بس مبحبش أبين إني موجوع لحد أو متضايق وبلبس قناع القوي حتى لو فيا حتة موجوعة.
أحمد العوضي وياسمين عبد العزيز
ومن ناحية أخرى، سبق وفاجأت الفنانة ياسمين عبد العزيز جمهورها بخبر انفصالها عن الفنان أحمد العوضي، وذلك بعد زواج دام لـ 4 سنوات، حيث كتبت عبر حسابها الشخصي على موقع تبادل الصور والفيديوهات إنستجرام: تم الطلاق الرسمي بيني وبين أحمد وبيننا كل الاحترام والتقدير.
