سمية الخشاب: ريم البارودي قالتلي بلاش نروح برنامج رامز مع بعض.. وبشكرها على هذا الموقف|فيديو
وجهت الفنانة سمية الخشاب، الشكر للفنانة ريم البارودي، مشيرة إلى أن رامز جلال كان يريد ظهورها معها في برنامجه رامز جاب من الآخر، لكن ريم تواصلت معها تلفونيًا وأخبرتها أنه ليس من صالحهما.
وأوضحت سمية الخشاب في لقائها مع القاهرة 24: رامز كان عاوز يجيبني أنا وريم البارودي مع بعض في البرنامج.. وريم كلمتني لأني كنت مسافرة، ولما قالت لي كنت مرحبة وقلت لها تعالي نروح ونعمل حلقة حلوة، لكنها قالت لي بلاش نطلع مع بعض مش هيبقى كويس وهياخدنا كمادة ويألش علينا بإهانة واحترمت وجهة نظرها، والحمد لله قلت لها ربنا بيحبك إنك ما روحتيش ولا كان يحصلك حاجة الشر بره وبعيد مش كويسة، لأن 90% بالتأكيد اتصابوا.
وأضافت: بشكر ريم لأنها بنت جدعة، ومش هنسى ليها ال
سمية الخشاب تكشف تفاصيل إصابتها ببرنامج رامز
في سياق متصل، كشفت الفنانة سمية الخشاب عن أنها تعرضت لتمزق في الأربطة في القدم والكتف وإصابات أخرى بعد برنامج رامز جاب من الآخر، مشيرة إلى أنها أخبرت أن البرنامج هذا العام مختلف وحواري فقط، على الرغم من أنه كان يتم إخبارها بتفاصيل المقلب خلال ظهورها مع رامز في المرات السابقة.
وأضافت سمية الخشاب: مفيش دراسة للمقلب لأن مش معقول كل الناس تتصاب ومكملين.. وفيه ناس مرضيوش يعملوا مشاكل وهما حرين وفيه إصابات أكتر مني، متسائلة: ليه الاستهانة بالناس كده وفكرة أنك تتطمن على الناس أو سوري أو سلامتكم لا حصلت معايا ولا مع حد تاني، على طريقة المثل: خلصت حاجتي من عند جارتي، وفيه تعمد للأذية لأنهم عارفين الناس هتتصاب ومصممين يكلموا.
