علي جمعة: لو شوفت زوجتك في وضع خيانة اعف عنها واصفح
قال الدكتور علي جمعة، مفتي الديار المصرية السابق، إن لو أحد الزوجين رأى الطرف الآخر في وضع خيانة زوجية عليه أن يصفح ويعفو، لافتا إلى أن من يقوم بالتجسس والتحسس هو من يقع عليه الخطأ، لأنه خالف أوامر سيدنا النبي صلى الله عليه وسلم، والذي نهانا عن التجسس.
وأوضح الدكتور علي جمعة، مفتي الديار المصرية السابق، خلال حلقة برنامج نور الدين، اليوم الاثنين: اللي ضر نفسه هو من فتش وتجسس، طيب احنا فى مصيبة إيه الحل، الحل موجود طيب هتقدر عليه، اه، اعف واصفح، ايه ده، ايوه كل ده من المعصية ما أنت اللي جيبته لنفسك.
علي جمعة: لو شوفت زوجتك في وضع خيانة اعف عنها واصفح
وتابع، أن العفو يحتاج كبار أولياء الله الصالحين، اللي بيمسكوا الدنيا في أيديهم، يعني أنت بتقول لنا طنش مش أنا اللي بقول أما بقول لك اعف واصفح.
كما أجاب الدكتور علي جمعة، مفتي الديار المصرية السابق، على سؤال سيدة حول لو فيه سيدة متأكدة أو على يقين أن زوجها بيخونها بصفة مستمرة، هل من حقها أنها تفتش وراه وتبحث؟.
وأوضح الدكتور علي جمعة، مفتي الديار المصرية السابق: "لا مش من حقها، أنا في الحدوتة دي، أنا متأكدة من 50 سنة و99 % من هذا التأكد لا يعد إطلاقا في توثيق الشرع أو القانون أو التوثيق الاجتماعي البشري مما يؤكد.. أنا متأكدة أنه عمل كده ليه، اصله لما رجع مرة لقيت ريحة غريبة في ثيابه، وممكن تكون واحدة هي اللى نقلت له الريحة.. كل هذا الكلام من إبليس، والله يعلمنا الحياء وأن لا نقول بما ليس لنا به علم والله وهبنا نور ونتركه ونتخبط في الحياة الدنيا.
