رانيا يوسف: مليش حكم على بنتي بعد سن الـ 21.. ومتفقين مفيش جواز قبل الـ 30 سنة
تحدثت الفنانة رانيا يوسف، عن شروطها التي تضعها لزواج ابنتيها، حيث اتفقت معهما على عدم الزواج قبل سن الـ 30، حتى تنضج مشاعرهما وأفكارهما.
وقالت رانيا يوسف خلال لقائها ببرنامج مساء dmc: أنا أم لبنتين، ولو في يوم حسيت إنها مش سعيدة في جوازتها هحاول معاها إنها تصلح هي وجوزها اللي بينهم، بس لو مفيش حل خلاص، مش بشجع إن البيوت تتخرب بس بشجع إنهم يتفاهموا من قبل الجواز.
وتابعت رانيا يوسف: وأنا متفقة مع بناتي ميتجوزوش قبل سن الـ 30، وأقنعتهم بالكلام ده وهما موافقين عليه، أنا عندي واحدة 20 سنة وواحدة 23، فـ لسة صغيرين، مش هيقدروا يقرروا مواصفات الزوج المناسب، لأنها غير ناضجة عاطفيا.
رانيا يوسف: مليش حكم على بنتي بعد سن الـ 21
كما أشارت رانيا يوسف، إلى إنها لا تحكم على بناتها بمجرد ما أتممن سن الـ 21، حيث قالت: هفضل متمسكة برأيي إن بناتي يتجوزوا بعد سن الـ 30، بس لو جه حد مناسب قبل السن ده هفضل متمسكة برأيي، بس هما هيعملوا اللي هما عايزينه في الآخر أنا عارفة، لأن بنتي مجرد ما عدت الـ 21 سنة مبقاش ليا حكم عليها، مقدرش أقولها تعمل إيه ومتعملش إيه، هقترح بس وممكن ساعات تعملي حساب.. أتمنى.
أعمال رانيا يوسف
وعلى الجانب المهني، يذكر أن رانيا يوسف شاركت في موسم رمضان الماضي 2024، من خلال مسلسل بقينا اتنين، بطولة الفنان شريف منير، وكل من الفنانة ميمي جمال، نانسي هلال، الراحل طارق عبد العزيز، وآخرين، والعمل من تأليف أماني التونسي.
