عبد الباسط حمودة: الناس لقبتني بـ الأسطورة قبل محمد رمضان
كشف المطرب الشعبي عبدالباسط حمودة، تفاصيل عن حياته الشخصية في بداياته، بجانب حديثه عن علاقته بـ محمد رمضان ونور الشريف.
وتحدث عبدالباسط حمودة في لقائه مع الإعلامي معتز الدمرداش في برنامجه ضيفي المذاع عبر شاشة قناة الشرق قائلًا: الناس لقبتني بلقب الأسطورة قبل محمد رمضان، وهو بيحبني ومابيقوليش غير ياعم عبدالباسط.
عبدالباسط حمودة: نور الشريف قالي اسرق الشريط من العربية
وتابع عبدالباسط حمودة عن نقلته الفنية الحقيقية قائلًا: كنت بعمل إعلان ونور الشريف شاور عليا وقال أنا عاوز الولد ده، وأنا كان نفسي أشوفه وأسلم عليه ووقتها كانوا عاملين أغنية لسعيد صالح في فيلم أرزاق يا دنيا، ودي كانت أغنيتي ووقفت ورا فاضل عبدالله وظهرت في الفيلم وأنا نازل لقيت نور الشريف كان هو المسؤل في الفيلم عن صف السيارات في الموقف، في فيلم أرزاق يا دنيا وقالي شوفت العربية البيجو دي أنا وقتها خوفت قالي هتمد إيدك وتسرق التسجيل اللي في العربية وتمشي روحت موطي وواخد التسجيل وماشي رد قالي هتكمل معانا ودا كان دور في الفيلم مع يسرا وشويكار، ودي كانت نقلتي الحقيقية.
وواصل عبدالباسط حمودة عن ذكرياته قائلًا: محمود المليجي كان جاري وكان بيصلي ويلبس النضاره وييجي يقعد عند بتاع الفول ويقولي انت هتبقى نجم.
وأضاف عبدالباسط حمودة: مراتي مش بتقولي غير يا بسوطة، وما بتدعلنيش غير بكده، وفي بداياتي كنا بناكل عيش ناشف بالشاي، وأنا كنت على الله ومشينها على القد ومكنش معايا حتى أجيب لحمة وكانت ديمًا تقولي ربنا هيكرمك با بسوطة، وكنت عايش في غابة معمولة بالطوب الأحمر، ودلوقتي بتحمد ربنا على كل النعم.
