حاتم صلاح عن أغرب رد فعل على شخصية نفادي في مسلسل الكبير أوي8: واحد قالي بتضحك أمي
كشف الفنان حاتم صلاح عن أغرب المواقف التي تلقاها على شخصية نفادي في مسلسل الكبير أوي، الذي عرض ضمن المنافسة الرمضانية لعام 2024.
وتحدث حاتم صلاح في تصريح خاص لـ القاهرة 24 قائلًا: شخصية نفادي جالي عليها ردود فعل حلوة، بس أغرب حاجة جاتلي واحد قالي بحبك عشان بتضحك أمي، وده أكتر حاجة فرحتني، على شخصية نفادي.
ومن جانبه، تحدث حاتم صلاح عن التعاون مع الفنان أحمد مكي، للعام الثالث في مسلسل الكبير أوي قائلًا: بعتبر نفسي صاحبه، واستفدت منه جدًا خاصة أنه أعطاني مساحة كبيرة جدًا وعنده روح الفريق، وممكن تلاقيه في مشهد واقف ساكت، عشان إحنا نقول، وفي وقت تاني العكس، بنتعامل كفريق، ومش شرط عشان بطل العمل هو اللي يقول كل حاجة، لكن مكي مدينا مساحة كبيرة جدا، ومكي بيتعامل كفرد من الفريق.
أبطال مسلسل الكبير أوي 8
وشارك في مسلسل الكبير أوي 8 بجانب الفنان أحمد مكي مجموعة من الفنانين ومن أبرزهم: حاتم صلاح، محمد سلام، بيومي فؤاد، هشام إسماعيل، رحمة أحمد، مصطفى غريب، وعدد آخر من الفنانين، بالإضافة إلى ظهور عدد من ضيوف الشرف، والعمل من إنتاج شركة سينرجي، وهو من تأليف مصطفى صقر، محمد عز الدين، وإخراج أحمد الجندي.
