شباب كات ووك المناطق الشعبية في مصر: الفكرة جاتلنا وإحنا في الشارع.. وهنزور المحافظات قريب│صور
كثيرون منا، خلال تصفح مواقع التواصل الاجتماعي، قابلنا بالصدفة مجموعة من الشباب، في أحد الشوارع أو المناطق الشهيرة في مصر، يقدمون عرض أزياء، ما يدفع في كل مرة إلى مشاهدة الفيديو لآخره.
كات ووك المناطق الشعبية في مصر
ونجحت هذه المجموعة التي تتكون من 4 شباب، هم كريم علاء الدين طالب في نظم ومعلومات، ومحمد طارق طالب في تجارة، وأحمد عاطف طالب في هندسة اتصالات، وآدم أحمد طالب في سياسة واقتصاد، من حصد تفاعل كبير بين رواد السوشيال ميديا، حيث تصدروا التريند بعد ظهورهم في فيديوهاتهم المشهورة، والتي يؤدون خلالها الكات ووك، في مكان لم يتوقعه أحد، كما اشتهروا بكات ووك مصر.
يقول كريم علاء لـ القاهرة 24: حبينا نعمل حاجة مختلفة، حاجة مصرية إحنا الأربعة، كنا شغالين في مجال الموديلينج، واتعرفنا على بعض وبدأنا الفيديوهات دي بسرعة.
ويكشف كريم: دايما الناس اللي بتعمل محتوى عن الفاشون، بيقلدوا الغرب فإحنا حبينا نعمل حاجة فيها الطابع المصري، وحاولنا نوصل فكرة الكات ووك للناس، وناس كتير بقت تعرف يعني إيه دلوقتي لما ننزل نقابلهم في الشارع، وكان هدفنا إن لو في حد بسيط ميعرفش يعني إيه الفاشون، يعرف ويتقبل الفكرة دي وما يستغربوهاش.
وعلى الرغم من أن فريق الكات ووك، بدأ هذه الفيديوهات في وقت قريب، حيث بدأوا أول فيديوهاتهم في شهر يناير، إلا أنهم تمكنوا بفكرتهم المميزة من الحصول على شهرة واسعة.
وأضاف كريم: أول فيديو عملناه كان في الكوربة وإحنا واقفين وجتلنا الفكرة في لحظة، في الأول كانت الناس مستغربة الفيديو، لكن كان في ناس حابة الموضوع وشايفة إن الفكرة روشة، دلوقتي الناس عرفتنا وبتشجعنا.
وتابع: الأماكن اللي بننزل فيها بنسعى إننا نعرض من خلالها ثقافات مصر المختلفة، والأيام الجاية هنركز على المحافظات، وهيكون هدفنا تشجيع السياحة في مصر.
