ندى بسيوني: الدكتور قالي والدتك قدامها 3 شهور وتموت وعاشت 4 سنين بعدها
تحدثت الفنانة ندى بسيوني، عن مرض والدتها الراحلة التي عاشت 4 سنوات زيادة عن الـ 3 أشهر ونصف التي أقر بها الطبيب حينها، بأن تلك المدة هي فقط التي ستعيشها والدتها.
ندى بسيوني: الدكتور قالي والدتك قدامها 3 شهور ونص وتموت
وقالت ندى بسيوني خلال لقائها ببرنامج الستات مايعرفوش يكدبوا: ارتباطي بأمي كان كبير جدا يمكن أكتر من اخواتي، أنا جيت غلطة واخواتي كانوا أكبر مني ومكنوش صحابي، فـ كنت أنا صاحبة مامتي وهي حست بالأمومة معايا أكتر، وكانت بتحبني أوي.
وتابعت ندى بسيوني: ولما اكتشفنا مرض أمي أنا اللي كنت معاها، والدكتور قالي قدامها 3 شهور ونصف بس، وبرغم كدة عاشت بعدها 4 سنين، وده طبعا لأن كل شىء بإيد ربنا، ومقولتش لأي حد الموضوع ده، ولما قدمت مسلسل أريد رجلا، كانت قصة شبيهة لقصتي مع مامتي، لما قدمت دور الأم المصابة بالسرطان ومخبية على بنتها، وفي الحقيقة كنت أنا اللي مخبية على مامتي خبر مرضها.
أعمال ندى بسيوني
وعلى جانب أعمال ندى بسيوني الدرامية، يعد مسلسل أعمل إيه، آخر أعمالها الدرامية، الذي عرض في عام 2022، وشارك في بطولته عدد من الفنانين، أبرزهم الفنان خالد الصاوي، صابرين، نور إيهاب، محمد مهران، دنيا المصري، هناء الشوربجي، وردشان مجدي، نهال عنبر، وآخرون، والعمل من تأليف محمد الحناوي، وإخراج أحمد عبد الحميد.
