مش لاقيين العيش.. أهالي قرية المساوية بالأقصر يستغيثون: مفيش فرن وبنمشي 6 كيلو علشان رغيف| صور
استغاث أهالي قرية المساوية التابعة لمركز إسنا جنوب محافظة الأقصر بالمسؤولين من عدم وجود فرن عيش بلدي بالقرية، فمخبزها الوحيد مغلق منذ أكثر من عام وستة أشهر، مما يضطرهم للذهاب إلى القرى المجاورة والسير لأكثر من 6 كيلو مترات من أجل الحصول على رغيف الخبز.
مخبز القرية الوحيد مغلق منذ أكثر من عام
وقال الحاج يوسف أحمد سلمان من أهالي القرية للقاهرة 24: إحنا كل حاجة في القرية من مصالح بنعملها بالمجهود الذاتي، والمخبز ده إحنا اتبرعنا بيهومن أرض ومباني وسلمناة لمجلس المدينة، وليه سنة وستة أشهر قافلينة وإحنا فينا كبار السن والأرامل والمطلقات ومش لاقيين العيش في القرية.
وأضاف الحاج إبراهيم: القرية فيها أكثر من 10 آلاف نسمة، ومشاكل إيجارات حصلت بين مستأجر الفرن والمجلس فقفله ومشي، ولينا أكتر من سنة وستة أشهر على ده الحال، المخبز مقفول ومش عارفين نعمل إيه ونروح فين محدش سائل فينا.
وقال ناصر عبداللاه: المخبز تم إنشاؤه بالجهود الذاتية من عام 2005، واشتغل أكتر من 15 سنة، وفوجئنا بتعاقد مجلس المدينة مع مواطن آخر والذي مالبث أن أغلق المخبز ولينا سنة وستة أشهر على ده الحال.
بنمشي 6 كيلو من أجل الحصول على رغيف العيش
وأكمل ناصر: تواصلنا مع جميع المسؤولين من مجلس مدينة إسنا والمحافظ والنواب ومحدش سائل فينا، وكلنا بنستخدم هذا العيش لأن أغلب أهل القرية من كبار السن ومرضى السكر، وازاي مريض سكر يروح لأقرب قرية وهي العضايمة والتي تبعد 6 كيلو عن القرية أو القرايا والنمسا 7 كيلو.
وأضاف ناصر: بنضطر نبعت نجيب العيش بتوكتوك واللي بيوصلنا معجون ومطبق في بعضه ونساء القرية يفضلن بالشارع من الصباح وحتى الظهر من أجل انتظار التوكتوك القادم بالعيش من القرى المجاورة، والوضع سىء جدا في القرية وكل ما نحتاجه فتح المخبز ومش عارفين نروح فين ولا حتى نكلم مين تاني.
