مكنتش أعرفها.. مخرج مسلسل كامل العدد عن الراقصة بدرة: علمتها التمثيل بالعربي ودلوقتي بقت تقول يالهوي
كشف المخرج خالد الحلفاوي، تفاصيل مشاركة الراقصة بدرة في مسلسل كامل العدد +1، متحدثًا عن معاناته معها من الجزء الأول، مشيرا إلى أنه لم يكن يعلم أنها شخصية معروفة.
وتحدث خالد الحلفاوي خلال ندوته مع القاهرة 24 قائلًا: مكنتش أعرف بدرة ومعرفتهاش في الجزء الأول، ولما قرأت الدور بقولهم اسمها غريب قالولي يا نهار أسود أنت ماتعرفش بدرة، قولتلهم مين قالولي راقصة مشهورة جدًا.
وأضاف خالد الحلفاوي: لما جت تمثل اكتشفت أنها متعرفش تمثل خالص، قولتلهم يعني أنتوا جايبين واحدة ما بتعرفش تمثل بالعربي وتشوفوا المخرج هيعمل إيه فقعدت معاها عشان أشوفها بتمثل إزاي، وبقيت أترجم ليها المشاهد بالإنجليزي وبعدين تمثلها بالفرانكو وبعدين بالعربي.
وأردف: كنت بدربها تسكت إمتى وتتكلم إمتى، وفي الجزء الثاني تطورت جدًا وبقت تقول أه ويالهوي، وهي ذكية وشاطرة جدا.
تفاصيل مسلسل كامل العدد+1
ضم مسلسل كامل العدد، كل من الفنانة دينا الشربيني، شريف سلامة، بدرة، إسعاد يونس، تميم عبده، جيهان الشماشرجي وإسعاد يونس، ميمي جمال، أحمد كمال، ألفت إمام، صدقي صخر، أحمد جمال سعيد، سمر علام، عمرو جمال، جيسيكا حسام الدين، لينا صوفيا بن حمان، حمزة دياب وغيرهم من نجوم الفن، والعمل من تأليف رنا أبوالريش، ويسر طاهر، وإخراج خالد الحلفاوي، ولاقى العمل إشادات واسعة من الجمهور عبر مواقع التواصل الاجتماعي.
