حازم إمام يدافع عن لاعب الأهلي: هو بارد وملوش بديل
علق حازم إمام نجم الزمالك السابق وعضو مجلس إدارة اتحاد الكرة الحالي على الانتقادات التي توجه في الفترة الأخيرة إلى محمد عبد المنعم لاعب النادي الأهلي، بسبب الأداء الذي يقدمه مع الفريق الأحمر.
تصريحات حازم إمام عن محمد عبد المنعم
وفي تصريحات خلال برنامجه الإذاعي دافع حازم إمام عن محمد عبد المنعم قائلًا: دايما بشوف الناس تنتقد عبد المنعم وتقول عليه تِنك ولازم يقعد شوية.. أنا قعدت معاه كتير في فترة منتخب مصر هو شخصيته كده مش بيتنك على الكورة هو بارد.
وأضاف حازم إمام: ولو عبد المنعم مش هيلعب هيكون فيه مشاكل كتيرة في الناحية الدفاعية في منتخب مصر والنادي الأهلي، لأنه الوحيد اللي عنده سرعات ويقدر يجيب المهاجم بشكل أو بآخر.
وواصل حازم إمام دفاعه عن محمد عبد المنعم: بيغلط؟.. أه ساعات بيغلط لكن في 90% هتلاقيه دايمًا حاضر.. ليه أخطاء مفيش حد معندوش أخطاء.. هي دي شخصيته ما تاخدش على إنه تِنك أو بيتنك أو عايش في الدور.. هي شخصيته إن هو بارد ومش بيتوتر ودي حاجة كويسة.
واختتم حازم إمام حديثه عن مدافع الأهلي قائلًا: أنا بشوف إن محمد عبد المنعم واحد من أهم اللاعبين في مركز الثيردباك في مصر وملوش بديل معندكش ناس زيه كتير.
