الإعدام للمتهم بقتل صغير مدينة نصر
قضت محكمة شمال القاهرة المنعقدة بالعباسية، بمعاقبة المتهم بخطف وقتل الصغير إبراهيم، بسبب مروره بضائقة مالية، لطلب فدية من والده لسداد ديونه في منطقة مدينة نصر بالقاهرة، بالإعدام شنقا.
الإعدام لقاتل صغير مدينة نصر
ونشر القاهرة 24 اعترافات المتهم بإنهاء حياة صغير مدينة نصر بعد خطفه لطلب فدية من والده لمروره بضائقة مالية، حيث قال: أنا كنت فاتح ورشة حدادة وكانت حالتي المادية كويسة وكنت كسيب وبعدين بدأ الحديد يغلى والشغل يقل وظروفي المادية بقت وحشة وبقيت مديون من حوالي سنه تقريبًا.
وأضاف: بسبب ظروفي المادية الوحشة والديون اللي عليا بقيت بهرب من الواقع بشرب المخدرات، وأنا في الأول بدأت أشرب حشيش وبعدها ضربت بالبودر وأدمنته ومعرفتش أبطله، وفلوسي كلها كانت رايحة عليه ودخلت مصحة قعدت شهر بس لما خرجت رجعت اشربه تاني.
وأكمل المتهم: أنا بشرب الحشيش من حوالي 3 سنين والبودر من حوالي سنة، وكنت بشتريها من ناس عندنا في المنطقة في عزبة الهجانة وبالنسبة للبودر عشان مش عندنا في البلد فبقالي كذا شهر مشربتوش عشان مش لاقيه.
وأضاف: أنا كنت واخد قرض بـ 10 آلاف جنيه، ومبسدش الأقساط اللي عليا، وكنت واخد 5 آلاف جنيه من رشوان على دفعات، وكان كل شويه بيطالبنى بيهم، وأنا كنت خايف اتحبس بسبب إني مبسددش القرض، عشان كدا قررت أخطف الولد.
