سرق كابل كهرباء بـ 30 ألف جنيه.. هندية تكشف تفاصيل جديدة بعد أزمتها مع مالك عقار
كشفت الراقصة هندية، تفاصيل جديدة حول أزمتها مع مالك عقار يتعمد مضايقتها وقطع الكهرباء عن محلها الخاص، رغم سداد ديونها كاملة، مشيرًا إلي أنه سرق منها كابل كهرباء قيمته 30 ألف جنيه.
وقالت هندية خلال فيديو مع القاهرة 24: اشتريت المحل ده من 20 سنة.. وظبطته من 10 سنين.. جهزته كمكتب أقابل فيه الصحفيين والموهوبين لبرنامجي.. روحت من 10 أيام لقيت الكهرباء قاطعة فيه هو بس.. حاولت أنزل البدروم وأعرف المشكلة منين وأمن العقار منعني.. كلمت صاحب العقار.. وقالي إنه ميعرفش حاجة عن الموضوع دا.
وتابعت هندية: كان بينا زمان مشكلات لأنه كان عاوز ياخد المحل مني.. كانوا عاوزين مني فلوس تانية للرصف والكهربا وحاجات تانية.. سرقوا مني كابل بـ 30 ألف.. وطلبوا مني أجيب كابل كهربا للمحل.. طلبت الشرطة وفعلا عملنا معاينة.. ولقينا كاتر قاطع كابل الكهرباء.. إخواتي توفوا.. ومليش أولاد يقفوا معايا.
هندية وعلاقتها بالزعيم عادل إمام
وفي سياق آخر، كانت تحدثت هندية من قبل علاقتها بـ الزعيم عادل إمام ونصيحته لها، بجانب تعرضها لهجوم كبير من البعض، وغيرها من الأمور التي تطرقت إليها في لقاء تليفزيوني لها، قالت فيه: عادل إمام طلبني للضرورة.. وقالي أنت متخنتيش ومحافظة على وزنك، وأنا حاليًا صعب أشتغل في الفن بسبب الشللية.
وتابعت: وقت أزمة الكلب، الجمهور قالوا لي ألفاظ ما سمعتهاش في حياتي، لدرجة إني قلت كفاية خلاص أنا رميت الكلب فأخدوا الكلمة، وأنا نفسي ربنا يرزقني بحسن الخاتمة.. وحلمي الوحيد أن ربنا يرضى عني.
