باسم سمرة يكشف عن علاقته بفتاة فرنسية قبل الزواج: كانت هتغير حياتي وسبتها علشان العادات والتقاليد
تحدث الفنان باسم سمرة عن أول ما يلفت انتباهه في المرأة وأكثر شيء يحبه في مظهرها، إلى جانب حديثه عن علاقة غير صحية مر بها قبل زواجه.
باسم سمرة يكشف أكثر ما يلفت انتباهه في المرأة
وقال باسم سمرة خلال لقائه في برنامج واحد من الناس مع ياسمين عز: بحب شعر الست المهذب، وأول حاجة بلتفت نظري ليها العينين لأني بفهم في العينين وبقرأ العيون واعرف كويس الشخص من عينه.
كما وجهت ياسمين عز سؤالًا لباسم سمرة مفاده: تحب الست اللي ملامحها رمضانية اللي تحس أنها ملامح أمومية وطيبة وفيها صفات من مامتك.. ولا الست اللي ملامحها ليلة عيد، ليرد باسم سمرة: أفضل السيدة الملتزمة في بيتها الرمضانية.
باسم سمرة يتحدث عن علاقة سابقة بفتاة فرنسية
كما كشف باسم سمرة أنه كان على علاقة بفتاة فرنسية قبل زواجه وكان سيتزوج منها: كان فيه بنت فرنساوية وكنا المفروض هنقعد في فرنسا وده قبل ما اتجوز لكن العلاقة باظت لأنها كانت علاقة توكسيك بسبب اختلاف العادات والحرية الزايدة، ولو كنت اتجوزتها كنت هروح فرنسا وكنت هكسر الدنيا هناك وسبتها علشان التقاليد والعادات وربنا وفقها واتجوزت وعندها عيال.
جاء ذلك على خلفية سؤال ياسمين عز له عن الشيء الذي كان سيغير حياته التي هو عليها الآن لو كان فعله في السابق قائلة: إيه الحاجة اللي لو كانت حصلت معاك زمان كانت غيرت مجرى حياتك وتاريخك ومكنتش بقيت باسم سمرة؟
كما سألت ياسمين عز باسم سمرة عن رأيه في علاقة كريسيانو بجورجينا، ليرد: هما عندهم أطفال وربنا يهديه ويتجوزها لأن هو في السعودية وإحنا مش واخدين على العلاقة دي لأنها ما تناسبش عادتنا.
كما تحدث باسم سمرة عن علاقته بأبنائه قائلًا: أنا أحب أنهم يطلبوا وأنا على قد ما أقدر أجيب ولو نفسهم في حاجة أجيها سواء لبس أو شوكولاتة لكن لو في قرارات مصيرية وضرورية لازم أنا اللي أخد القرار.
