ميمي جمال تنعى صلاح السعدني: التواصل معاه مكنش سهل.. وكان موصي يتدفن جنب أبو بكر عزت
نعت الفنانة ميمي جمال، الفنان القدير صلاح السعدني، الذي رحل عن عالمنا صباح اليوم في صدمة كبيرة لجمهوره، عن عمر ناهز الـ 81 عام.
وقالت ميمي جمال في تصريح خاص لـ القاهرة 24: وفاة صلاح السعدني صدمة كبيرة، وبحكم أن شغلنا كتير مكنتش بقدر أتواصل معاه طول الوقت، ولكن كنت دايمًا بطمن عليه من ابنه أحمد أن صحته كويسة، زي ما بطمن على عادل إمام من ابنه محمد، لكن التواصل مع صلاح مكنش سهل.
وأضافت ميمي جمال: ربنا يرحم صلاح السعدني، كان إنسان جميل وفنان عظيم وإنسان على خلق وعمري ما سمعت عنه كلمة ولا قال على حد كلمة، وربنا يكرم ولاده ويصبرهم على الفراق.
وعن وصية الراحل صلاح السعدني، قالت ميمي جمال: سمعت أنه قال لو حصلي حاجة اتدفن جنب أبو بكر عزت، دي حاجة قالها وكان عايزها من زمان.
لوسي تكشف تفاصيل الأيام الأخيرة في حياة صلاح السعدني
وكانت الفنانة لوسي، كشفت لـ القاهرة 24، تفاصيل الأيام الأخيرة في حياة الفنان صلاح السعدني، قائلة: أنا كنت بحاول أكلم الفنان صلاح السعدني ومكنش بيرد، ساعات كان بيرد وهو كان في فترة صعبة شوية، وأنا مبحبش أتقل على الناس اللي بتبقى تعبانة.
واستكملت: أسرته مكنتش بتخلي حد يشوفه، وهو من وقت مسلسل الباطنية وهو كان تعبان ووقع مننا أكتر من مرة واتنقل المستشفى، وأنا كنت بتصل عليه، وساعات كان بيتصل عليا، والبقاء والدوام لله.
