دانا حمدان تعلق على واقعة حرق الكلاب في منطقة كينج مريوط: إمتى هيبقى فيه قانون لحماية الحيوان؟
نشرت الفنانة دانا حمدان مقطع فيديو عبر حسابها الرسمي بموقع تبادل الصور والفيديوهات إنستجرام، تضمن كلاب محروقة تم تعذيبها من قبل شاب في منطقة كينج مريوط.
وكتبت دانا حمدان، في منشور لها، شاب في منطقة كينج مريوط فضل يضرب الكلاب دي لحد ما موتهم وحرقهم بالمنظر ده البشع ده، يرضي ربنا بذمتكم.. امتى هيبقى في قانون لحماية الحيوان ونسيبهم في حالهم؟.
دانا حمدان تنشر فيديو لشخص يحرق كلاب
وتابعت الفنانة دانا حمدان، الكلاب دي في ست فاضلة بتأكلهم بقالها سنين ومسالمين وغلابة، ومش مسعورين ولا ليهم دعوة بحد.. ليه الأذية دي؟.. أنا مش قادرة أتخيل بشاعة وقسوة القلب دي من شاب لسه في مقتبل العمر وبقي مشروع قتال قتلة حرفيًا.. ده إحنا لسه خارجين من أيام مفترجة يا مجرم.
وتفاعل عدد كبير من المتابعين مع الفيديو الذي نشرته الفنانة دانا حمدان، وعلق صاحب حساب: حرقة وحقد غير طبيعي من أي خير بيتعمل، ربنا مش هيسيبه ويهمل ولا يمهل لكن ضروري يكون في تحرك ضده، لو جدعه دوري في الكاميرات لحد ما تجيبيه.. وهو كدا كدا هيتعمل فيه نفس اللي عمله في الكلاب دي حاجة مفروغ منها.. البشر بقوا مسعورين أكتر من الكلاب.
