رانيا يوسف: بشتغل مع مخرجين شايفين جمالي فقط.. وبجري بالشهور وراء منتجين عشان فلوسي
تحدثت الفنانة رانيا يوسف، عن علاقة الفنان بالمخرج، مشيرة إلى أن المخرجين أنواع فمنهم من يهتم بـ الجمال الخارجي للممثلة فقط، ومنهم من يهتم بالممثلة الحقيقية.
وقالت رانيا يوسف خلال ورشة توجيه الممثل بـ مهرجان أسوان الدولي لأفلام المرأة: لما بيجيلي أني أعمل أوديشين مش بتكسف وبروح عادي أعمل، وأنا لقيت أني بنجح أكتر لما بشتغل مع المخرج اللي مش شايف شكلي زي الأستاذ محمد ياسين، وأحسن أدواري كانت معاه، والمخرجين اللي شايفين اللي جوا مش الشكل الخارجي بس، قليلين أوي، وعشان كدة للأسف معظم شغلي طول الوقت مع مخرج شايفني ست شكلها حلو من وجهة نظره.
رانيا يوسف: بجري ورا منتجين بالشهور عشان أخد فلوسي
وتابعت رانيا يوسف: ودلوقتي بقيت اسم، بحاول أشتغل على طول إني مبقاش مهتمة بشكلي على قد ما أهتم بالدور، بس في الآخر بترجع للمخرج، ولما بقعد مع المخرج بعرف من أول خمس دقايق معاه هو عايز إيه، عايز رانيا بشكلها الخارجي، ولا عايز رانيا الممثلة.
واختتمت رانيا يوسف حديثها، متحدثة عن علاقة الممثل بالمنتج، فقالت: لازم المنتج يلتزم بتسليم دفعة الممثل لأن كتير بشتغل مع منتجين بيأخروا الدفعة عليا، ويقولي بكرة هجبلك الدفعة وميجبش وأفضل أجري وراه بالشهور.
مهرجان أسوان الدولي لأفلام المرأة
وعلى جانب آخر، وكانت إدارة مهرجان أسوان الدولي لأفلام المرأة، قررت أن تحل دولة تونس ضيف شرف للمهرجان، وجاء ذلك بالتنسيق مع المركز الوطني لسينما والصورة في تونس، وتحت إشراف وزارة الشؤون الثقافية التونسية، وسيشارك في النسخة الحالية لمهرجان أسوان الدولي لسينما المرأة 76 فيلمًا ضمن مختلف برامج المهرجان.
