سعاد تقيم دعوى طلاق ضد زوجها بسوهاج: عامل علاقة مع جارتي وعايز يتجوزها
أقامت ربة منزل تُدعى (سعاد. ا. م) تبلغ من العمر 43 عامًا، دعوى طلاق ضد زوجها البالغ من العمر 49 عامًا، بإحدى قرى محافظة سوهاج، بسبب إصرار الزوج على الزواج من جارتها المُطلقة.
ربة منزل تقيم دعوى طلاق ضد زوجها بسوهاج
وقالت الزوجة في دعواها، إن زوجها تغيرت أحواله عقب طلاق جارتهما البالغة من العمر 38 عامًا، وانصرافه عن تلبية شئون المنزل، واختلاقه المشكلات معها ليل نهار وبدون أية أسباب.
وأضافت الزوجة: حياتنا كانت كويسة، لكن فجأة وبعد طلاق جارتي من جوزها لقيته اتغير، وبقى مشغول وشارد على طول، ودايما قاعد بيتكلم في التليفون أو بيتواصل على الفيس، ولما أكلمه يهب فيا ويزعق ويشتم.
الزوجة: عامل علاقة مع جارتي وعايز يتجوزها
وأوضحت الزوجة أنها اكتشفت وجود علاقة عاطفية بين زوجها وجارتها، من خلال هاتفه المحمول، وتبين لها عزم زوجها الارتباط بجارتها والزواج منها.
وواصلت: أنا كنت شاكة إن في حاجة متغيرة فيه، بس ما كنتش متخيلة إنه عامل علاقة مع جارتي من فترة طويلة بعد طلاقها من جوزها، ولما واجهته أنكر في الأول لكن بعد كده اعترف بكل حاجه وهددني إنه هيتجوزها عليا وهيخليني زي البيت الوقف، ومش عايز يطلقني ولا يصرف نظره عن موضوع جوازه منها.
وأشارت الزوجة إلى أنها حاولت مع زوجها بشتى الطرق منعه من فكرة الزواج من جارتها، إلا أنه رفض وأصرَّ على موقفه، فلم تجد حلًا أمامها سوى ترك منزل الزوجية والإقامة والإقامة منزل أسرتها ورفع دعوى طلاق للضرر الواقع عليها منه.
