زوجي بيشك في سلوكي عشان بستخدم الموبايل بكثرة.. أمينة الفتوى توضح الحكم
أجابت وسام الخولي أمينة الفتوى بدار الافتاء المصرية، علي سؤال متصلة عن إن زوجها يشك في سلوكها بسبب استخدامها الموبايل بكثرة.
زوجي بيشك في سلوكي عشان بستخدم الموبايل بكثرة.. أمينة الفتوى توضح الحكم
وقالت أمينة الفتوى بدار الافتاء المصرية، خلال تصريحات تلفزيونية، اليوم الاثنين: لازم نعرف سبب ده إيه، ممكن تكون مش بتستخدم الموبايل كتير لكن بتستخدمه في الوقت الموجود فيه زوجها، وبالتالي ده هيأثر على العلاقة وهيخلي الطرف الثاني يشك، طيب بتعمل إيه وممكن يكون بتكلم صاحبتها.
وواصل أمين الفتوى: هي المفروض توضح له هي بتعمل إيه، بتكلم أصحابها أو والدتها وتفهمه إن في مساحة خاصة، والزوج لازم يتفهم إن في مساحة خاصة، يعني مينفعش بيتكلم في التليفون نقوله شغل الإسبيكر عشان نعرف مين اللي بيتكلم.
الإفتاء تكشف حقيقة استجابة دعوة أربعين غريبًا
فيما تلقت دار الإفتاء المصرية سؤالًا ورد إليها نصه: ما مدى صحة ما يقال إن دعوة أربعين غريبًا مجابة؟.
وقالت الدا رعبر موقعها الرسمي: الدعاء للغير بظهر الغيب مستحب، بل ومستجاب إن شاء الله تعالى، إلا أنه لم يرد في الشرع ما يفيد تقييد الداعين بعددٍ معين، ولا بكونهم غرباء.
وأكملت: أن هذه المقولة المسؤول عنها دعوة أربعين غريبًا مجابة ليست حديثًا نبويًّا، وإنما هو ممَّا شاع على ألسنة الناس واشتُهر، ولم نقف عليه في كتب السنة بهذا اللفظ، إلا أنَّ معناه ثابتٌ في حديث سيدنا عبد الله بن عمرو رضي الله عنهما أن النبي صلى الله عليه وآله وسلم قال: «إِنَّ أَسْرَعَ الدُّعَاءِ إِجَابَةً؛ دَعْوَةُ غَائِبٍ لِغَائِبٍ» رواه أبو داود والترمذي في "سننيهما".
