بدرية طلبة: معنديش بنات تشتغل ولا حتى في الفن.. خلصي دراستك وعلى بيت جوزك

كشفت الفنانة بدرية طلبة رأيها في إمكانية دخول بناتها الوسط الفني، بجانب حديثها عن زواج ابنتها الثانية سلمى، التي تحتفل بزفافها حاليًا في أحد الفنادق، بحضور عدد من نجوم الوسط الفني.

وقالت بدرية طلبة في لقائها مع القاهرة 24 خلال حفل زفاف ابنتها: أنا معنديش بنات تشتغل خالص، ولا تشتغل في التمثيل، لو إعلام ماشي.. لكن تمثيل لأ؛ لأن شغلانتنا تعب، وأنا عندي خلصي دراستك وعلى بيت جوزك.

وأعربت بدرية طلبة عن سعادتها الكبيرة بزواج ابنتها، قائلة: بقول لبنتي خلي بالك من جوزك ومفيش حاجة اسمها آخد شنطة هدومي وأروح عند أمي، الكلام ده بقى قديم، وأي مشكلة في الآخر بتنتهي، إحنا ناس مبتحبش مشاكل وبنتأنّى في مين اللي جاي لـ بنتنا.

وأضاف بدرية طلبة: أنا أم محمد وأم أزواج بناتي مش حما، وبقول لجوزها دايمًا خلي بالك من بنتي، وحطها في عينك، وحسيت أني كان ورايا مهمة وخلصتها النهاردة، اللي فرحان ليا ربنا يفرح قلبه، أنا عارفة أنكم بتحبوني، ويا رب اللي أنا فيه وفرحتي والموقف اللي أنا فيه ده تشوفه كل حبيبة بـ بنتها.

حفل زفاف ابنة بدرية طلبة

وسيطرت ملامح الفرحة على الفنانة بدرية طلبة خلال حفل زفاف ابنتها، ومن المنتظر أن يحضر حفل الزفاف العديد من نجوم الفن، وظهرت بدرية طلبة مع ابنتها وعريسها، خلال جلسة التصوير الخاصة بحفل الزفاف، وهي تزغرد.