رضا البحراوي: عندي 8 أولاد.. ومهنتي مش دايمة اللي هينفعني العيال
كشف المطرب الشعبي رضا البحراوي، تفاصيل تعرضه لوعكة صحية خلال الفترة الماضية، ورد على تعليقات الجمهور بشأن عدد أولاده.
وقال رضا البحراوي، خلال لقائه مع الإعلامية ياسمين عز، في برنامجها كلام الناس، المذاع في قناة MBC مصر: كان ضغط الشغل وجالي شوية برد وسخونية ولكن الحمد لله.
عدد أولاد رضا البحراوي
أما عن تعليقات الجمهور على عدد أولاده، فأوضح رضا البحراوي: كان مكتوب على السوشيال ميديا إن أنا عندي 9 أولاد ولكن هما 8، وأنا بحب أهلي وإخواتي ويكون ورايا عزوة وناس، والمهنة بتاعتي مش دايمة واللي هينفعني في الدنيا هما العيال، وربنا يخلي ليا أمي وأبويا هما دول سندي وضهري في الحياة.
وأضاف: أنا من غير أمي وأبويا ولا حاجة، والناس بتقول رضا البحراوي ثم رضا الأب والأم.
رضا البحراوي يرد على تقديمه شعارات بأغانيه
وعن تقديمه بعض الشعارات في أغانيه، قال رضا البحراوي، خلال لقاء تليفزيوني له: السنادي عامل أغاني جميلة وبحبها، كلماتي بتليق مع ناس كتير، الجمهور حابب شعاراتي والغنا، مردفًا: أنا مش من النوع اللي بيسهر وأقعد على كافيه، أنا شخص من بيتي لشغلي ومن شغلي لبيتي، أغانيا خدت حب ونجاح من الجمهور الحمد لله، وأنا مليش منافسين، لكن ربنا يوفق الجميع.
