تكريم المخرجة هالة جلال بمهرجان الإسكندرية الدولي للفيلم القصير
كٌرمت المخرجة هالة جلال، خلال حفل افتتاح مهرجان الإسكندرية الدولي للفيلم القصير، والذي انطلقت فعالياته اليوم، ومن المقرر أن تستمر إلى 30 أبريل الجاري.
وقالت هالة جلال، خلال كلمتها على مسرح مهرجان الإسكندرية للفيلم القصير: أنا مبسوطة بالتكريم ده أنه من بلدي اللي اتهمشت زي ما السينما اتهمشت.. مبسوطة أن المنتجين بيدعموا المهرجان وعندهم وعي للسينما.. كل حاجة جميلة في المهرجان بأنها حقيقية.. ومهم أوي أن السينمائيين يستفيدوا من المهرجان لأنه ملتقى مهم ومبسوطة أني اتكرمت في المهرجان ده بالذات.
وكان المنتج محمد العدل الرئيس الشرفي للمهرجان، كشف تفاصيل تحضيرات الدورة العاشرة من مهرجان الإسكندرية الدولي للفيلم القصير، قائلًا: المهرجان بدأ دعاية على عربية كارو، وانبهرت بالدعاية مش قادر أعبر عن سعادتي بالدورة العاشرة اللي شايف فيها نجوم كنا بنحلم أنهم يكونوا موجودين.. وده بفضل جمهور الإسكندرية العظيم اللي بيتابعوا المهرجان بخلاف مهرجان القاهرة السينمائي هو اللي صالته كاملة مع كل الأفلام.
وتابع: بشكر النجوم الموجودين والشباب الرائع اللي اتحمل المهرجان وكبره علشان يوصل للدورة العاشرة وبتصغروني لما بتنشروني في شغلكم وأنا راجل عجزت.. هو المهرجان الوحيد اللي بيعمله أولاد المحافظة وبيحضروا كمان وده مش موجود في العالم العربي.
مهرجان الإسكندرية الدولي للفيلم القصير
وحضر عدد من نجوم الوسط الفني، افتتاح مهرجان الإسكندرية الدولي للفيلم القصير، وأبرزهم: الفنانة رانيا يوسف، والمخرج عمر عبد العزيز، الفنانة سلوى محمد علي، أحمد مجدي، ياسمينا العبد، وعدد آخر من النجوم.
