فتاة تشكو من أوبر: سحبوا فلوس من الفيزا وعملولي بلوك
كشفت فتاة تدعى دعاء فتحي، تعرضها للاحتيال من قبل شركة أوبر، مشيرة إلى أنها فوجئت بسحب مبالغ مالية من الفيزا الخاصة بها، بدون استخدام التطبيق أو خدماته.
فتاة تتعرض للاحتيال من شركة أوبر
وقالت في منشور على حسابها الشخصي على منصة فيسبوك: أنا حصل احتيال لبياناتي من خلال شركة أوبر، وبيسحبوا من الفيزا المربوطة على الأبلكيشن أكتر من مبلغ.
وأضافت دعاء: امبارح لقيت البنك بيبعتلي رسايل إن بيتم خصم فلوس لأبلكيشن أوبر، مع العلم إني مكنتش مستخدمة الأبلكيشن في الوقت ده، في لحظتها حذفت الفيزا من الأكاونت اتفاجت إن الأبلكيشين عمل بلوك للأكاونت بتاعي ورافض يخليني أدخل مرة تانية، وفي وقتها رقم أمريكي فضل يتصل بيا أكتر من مرة.
وأشارت دعاء إلى أنها تواصلت مع البنك وأوقفت الفيزا، وفتحت تحقيقا، مضيفة: لكن مفيش أي تأكيد لو الفلوس اللي اتسحبت دي هترجع ولا لأ.
وتابعت: طبعا الشركة المحترمة أوبر ملهمش رقم شكاوى ومش عارفة أوصل لحد فيهم، وبعتلهم أكثر من إيميل وتواصلت مع الصفحة بتاعتهم، وبيردوا بمنتهى البرود وبلغوني أقدم شكوى وهيتواصلوا معايا وقدمت وعدى أكتر من 24 ساعة بدون رد أو حل.
وأردفت: أنا لحد دلوقتي معرفش إزاي ده حصل وإيه السبب وإزاي شركة كبيرة زي دي ميبقاش عندها بربع جنيه أمان لبيانات العملاء، أي حد رابط الفيزا بالابلكيشن يحذفها فورًا عشان واضح إنهم مش بس بيخطفوا ويقتلوا الناس، لا بقوا يسرقوهم وهما في مكانهم كمان.
