عمرو أديب: حلم تطوير التعليم وتخريج مبرمجين مصريين أهم من النووي
علق الإعلامي عمرو أديب على طموح الدولة فيما يتعلق بتكنولوجيا المعلومات، قائلا: حلم المبرمجين والمطورين المصريين أهم من المفاعل النووى لأن دول هما اللى هيشغلوه، وانسوا حكاية الطفل المصري ذكي بطبعه، مفيش ذكي.. كله بالتعليم.
عمرو أديب: حلم تطوير التعليم وتخريج مبرمجين مصريين أهم من النووىى
وأضاف عمرو أديب، خلال تصريحات تلفزيونية: عايزين نبعت وزير التعليم الجديد يروح الهند ويشوف هم نجحوا ازاى فى البرمجة، أو هاتولنا وزير هندى، الطلبة هناك قاعدين فوق بعض ونجحوا في ده.
وتابع: نحتاج مدرس بيفهم الكمبيوتر مش لما يشوف الطالب عليه يقوله ايه اللي بتعمله ده، معامل الكمبيوتر اللي في المدارس لو موجودة بتكون مقفولة عشان العهدة، والطالب بيتعلم انه لو عايز فلوس يطلع دكتور أو مهندس أو صيدلي.
وفى سياق متصل، قال الدكتور عمرو طلعت مصطفى وزير الاتصالات وتكنولوجيا المعلومات، إن الوزارة لديها 12 مدرسة من مدارس التكنولوجيا التطبيقية، لبناء جيل جديد من الفنيين المهرة، مؤكدا أنه سيتم العمل على الوصول إلى 27 مدرسة تكنولوجية في جميع المحافظات.
وأشار خلال افتتاح مركز البيانات والحوسبات السحابية، إلى إنشاء جامعة مصر للمعلوماتية المتخصصة في تكنولوجيا المعلومات، مشيرا إلى أنه سيتم افتتاح من 6 إلى 8 مراكز من مراكز مصر الرقمية، متابعا: مصر في المركز الأول على القارة الإفريقية في سرعة الإنترنت الثابت.
