أنا كنت بِكر لحد ما عشيقي نام معايا.. ننشر اعترافات المتهمة بحملها سفاحا بالوراق

يواصل القاهرة 24، نشر التحقيقات في القضية رقم 3062 إداري إمبابة لسنة 2023، المتهم فيها سيدة بقتل طفلها بمنطقة الوراق، بعدما تقابلت مع أحد الأشخاص خلال استقلالها سيارة ميكروباص عدة مرات، وفي الثالثة ذهبت معه إلى شقته وأوهمها حينها أنه يحبها ويريد إقامة علاقة معها فوافقت وأقاما علاقة وحملت منه، وفي حوالي 9 شهور من الحمل تخلصت من طفلها عن طريق دخولها الحمام وقيامها بإنزال الحبل السري والجنين، وقامت بعد ذلك بوضعه في كيس وألقته في صندوق قمامة.

اعترافات مثيرة للمتهمة بقتل طفلها بالوراق

وقالت المتهمة بإنهاء حياة طفلها: أنا لما ولدت الطفل ورميته في الشارع كان يوم الاثنين الموافق 2023/4/24 حوالي الساعة 8:00 الصبح وأنا ولدت في بيتي، ورميت الطفل بالكيس الأسود في الشارع حوالي الساعة 11 الصبح في نفس اليوم.

وبسؤالها عن طبيعة نشأتها تحديدا، قالت: أنا مولودة في الساحل في القاهرة وبعد كدة أبويا طلق أمي وبعد كدة رحت عشت مع أمي في الوراق، بالإضافة إلى إني مش متجوزة ومعايا دبلوم تجارة وعندي أخ واثنين بنات وعايشين كلنا في بيت واحد مع أمي.

وبسؤالها هل أنت بكر، أجابت: أنا كنت بکر ومتجوزتش خالص قبل كده وفضلت بكر لحد ما ما المتهم ده نام معايا ومبقتش بكر لأنه أقام معايا علاقة كاملة وعاشرني معاشرة الأزواج، وأنا والدتي ست كبيرة في السن وكل إخواتي بيشتغلو وبيصرفوا على نفسهم فأنا قلت أعمل زيهم وأنزل اشتغل عشان اصرف على نفسي، وأنا شغالة كول سنتر في إحدى الشركات.

للمرة الثانية.. إحالة أوراق قاتلة صديقتها طالبة طنطا لمفتي الجمهورية لأخذ الرأي الشرعي في إعدامها

تخلصا منه بدم بارد.. إحالة قاتلة زوجها بمساعدة عشيقها بقنا إلى الجنايات

وتابعت المتهمة: وفي آخر شهر يوليو 2022 اتعرفت على الشخص زي ما قولت لحضرتك وحصل اللي حصل، هو اتعرف عليا في المواصلات وأنا رايحة الشغل، وهو أول مرة شافتني فيها في الميكروباص في آخر شهر يوليو في سنة 2022 وهو كان بيوصلي بس، وبعدها بكام يوم شوفته ثاني في الميكروباص برده وساعتها جيه ركب جنبي وقعد يقول لي إنه بيحبني وعايز يتعرف علي وأنا قعدت اتكلم معاه بعديها وفي أول شهر اغسطس سنة ٢٠٢٢ لما شافتي ثالت مرة في الميكروباص برده قال لي متروحيش الشغل النهاردة وتعالي تخرج مع بعض وروحنا ساعتها شقة مع بعض وحصل اللي حصل.

وأردفت المتهمة بسؤالها عن عدد المرات التي تقابلت خلالها مع المدعو سالف الذكر، قالت: أنا شفته 3 مرات في الميكروباص، وفي المرة الثالثة رحت معاه الشقة، هو أنا كنت بشوفه صدفة في الميكروباص عشان تقريبا كان معاد شغله بيصادف المعاد اللي باروح في شغلي ومعرفش عنه أي حاجة غير اسمه بس.