طلع مقلب.. القصة كاملة لـ اختفاء التيكتوكر شريف ريشا بعد تصدره تريند تيك توك
تصدر التيكتوكر شريف ريشا ترند منصة تيك توك بعد تداول أنباء اختفائه على حسابات أصدقائه الشخصية على المنصة نفسها، مما أثار الجدل بين آلاف من المتابعين عبر صفحات التواصل الاجتماعي.
التيكتوكر بيدو يشارك اختفاء شريف ريشا
وشارك التيكتوكر بيدو عبر صفحته الشخصية على تيك توك، والتي تحتوي على أكثر من 900 ألف متابع، فيديو يفصح فيه عن أنباء تخص اختفاء صديقه والتيكتوكر الشهير شريف ريشا، مُستغيثًا بالمتابعين لـ محاولات إنقاذه.
وشارك التيكتوكر بيدو متابعي حسابه الشخصي بـ فيديو، مُستخدمًا صورة شريف في إحدى المنشورات الاستغاثية، قائلًا: ده شريف ريشا، أكيد كان سبب في ضحكتك في يوم من الأيام، مُتغيب عن البيت بقاله 3 أيام منعرفش حاجة عنه، وأهله مش عارفة توصله، تلفوناته كلها مقفولة وحساباته على مواقع التواصل الاجتماعي مسروقة.
التيكتوكر بيدو: الدنيا مقلوبة عليه وعنده كهرباء زيادة في المخ
وأضاف بيدو خلال الفيديو: الدنيا مقلوبة عليه ومش عارفين نوصله، وهو مش عاقل ومش بنسيبه يمشي لوحده، لأن عنده كهرباء زيادة على المخ، وحالة عصبية بتجيله كتير، ومبيعرفش يتحكم في نفسه وممكن يغمى عليه في أي وقت.
واستغاث بالمتابعين: اللي يعرف يساعدنا ياريت، وأي حد يشوفه يبلغنا، وانشروا صورته على الصفحات، واللي يشوفوه يحاول يتواصل معانا، وجزاكم الله كل خير.
هذا الأمر أثار الجدل بين رواد منصة تيك توك، ونشر حالة من تعاطف المتابعين مع شريف ريشا، ومحاولات البحث عنه.
ومن ناحية أخرى استقبل كثير من المتابعين خبر اختفائه بسخرية، خاصًة بعد مواصلة تحميل ريشا للفيديوهات على حسابه الشخصي دون توقف بالإضافة إلى مشاركة متابعيه بالبث المباشر بشكل مستمر، مما دفع الرواد لـ كتابة التعليقات المازحة.
التيكتوكر شريف ريشا يرد: انا مش مخطوف
وظهر التيكتوكر شريف ريشا في فيديو لـ يرد على تعليقات مُتابعيه وأنباء اختفاؤه، والاستغاثات بأنه من ذوي الاحتياجات الخاصة ولابد من العثور عليه، وقال ريشا كاشفًا عن مقلب صديقه بيدو: يا جماعة انا مش مخطوف ولا تايه ولا مفقود.. وأنا طبيعي ومش من ذوي الاحتياجات الخاصة.
وأضاف ريشا ساخرًا: الناس أفورت في الكومنتات، واللي قال انا شوفته في المنيا، واللي قال انا شوفته في دمياط، وكنت بكلم بنت قالت لي أنت مش شريف انت مفقود.
ده ذكاء اصطناعي وشريف لسة مفقود.. تعليقات المتابعين
وعقب ريشا قائلًا: مكنتش عايز أرد.. بس الموضوع زاد عن حده، وكل شوية الناس تكلم أمي وهي تطمن عليا وتفتكر فيا حاجة أو حدي خطفني، وهكذا عبر ريشا عن مقلب أصدقائه بتداول أنباء اختفائه، لكن متابعين التيك توك مازالوا يسخرون منه، مُشاركين بـ تعليقات: شكله غريب يا جماعة ده ذكاء اصطناعي وشريف لسه مفقود.
