محمد أبو بكر: ميار الببلاوي قالتلي شوفت الفيديو ومتقبلة الكلام.. وزعل ابنها مش بسببي خالص
علق الشيخ محمد أبو بكر الداعية الإسلامي، على الأزمة الواقعة مع الفنانة ميار الببلاوي، والتي تصدرت التريند خلال الأيام الماضية، قائلا: لا قذفت الأستاذة ميار الببلاوي ولا اتهمتها في عرضها، ولكن تحدثت عن القضية، وتكلمت عن قضيتين أساسيتين.
محمد أبو بكر: ميار الببلاوي قالتلي شوفت الفيديو ومتقبلة كل الكلام.. وزعل ابنها مش بسببي خالص
وأضاف الشيخ محمد أبو بكر الداعية الإسلامي في بث مباشر له: أقسم بالله العظيم ثلاث، اللي هقوله حدث، وقبل ما هقول، هقول طالع دلوقتي ليه ومطلعتش من زمان، طلعت حينما يكون الأمر في ساحة القضاء وحينما تيقنت أنه في ساحة القضاء، فقبل هذا لا ينفع حتى لا يكون سجال شخصي.
محمد أبو بكر: ميار غلطت في حقي مرات.. وأنا رفعت قضيتي إلى قاضي السماء
وأشار الشيخ محمد أبو بكر: ميار غلطت في حقي مرات في أكثر من بث مباشر، وأنا رفعت قضيتي إلى قاضي السماء، مضيفا: حينما قال لي البعض إنها بتقول عليك تيس، قولت لهم بتلوموا حد مجروح.
وواصل محمد أبو بكر: قولت على من يرضى بالتحليل تيس، ومن يقوم بذلك تيس، ولم أقل على زوجها هذا ولا أقدر، ومذكرتش ذلك.
محمد أبو بكر يكشف كواليس جديدة
واستكمل: لما الأستاذة ميار علقت على أحد المنشورات لي وربما تكون الصفحة فيك، قولت لهم رزقكم الله راحة تدوم، فأنا لم أخطيء بل بينت الحكم، ولو عاد بي الوقت لقلت ما قولت.
وواصل محمد أبو بكر: في يوم جمعة لقيت إحدى الأخوات الفضليات وهي الأخت منى سمير، وكانت الأخت ميار الببلاوي، ومكنتش أعرفها، لما قابلتها في إحدى القنوات قولتلها جايه تتخانقي معايا علشان الفيديو اللي طلعته واتكلمت عليكي، قالتلي لاء، فقولتها حضرتك شوفتي الفيديو فقالتي أه يا مولانا ومتقبلة كل الكلام اللي حضرتك قولته يا مولانا.
وأردف محمد أبو بكر: ومن ضمن ما قولته لها أنا معملتش شيء إلا بكلامك، وقولتلها مينفعش أنتي بتعملي برنامج ديني، وهتخلي الناس تنهش فيكي وتخلي بالك.
ونوه محمد أبو بكر: مش أنا السبب في زعل ابنها منها، هي قالت لي ابني زعلان مني من ساعة ما دخلت البرنامج واتقفل الباب ومرضيوش يدخلوه الحلقة ومسك في مدير الإنتاج وكان يوم ما يعلم بيه إلا ربنا، وكان عايز يقف جنبي علشان بتكلم في كل حاجة.
أبو بكر: مسامح كل الناس ومتصدق بعرضي.. وممكن أعتذر في حالة واحدة
وأكمل: مسامح كل الناس ومتصدق بعرضي على كل الناس، مختتمًا: ممكن أعتذر لها في حالة لو حكم القضاء بالبراءة.
