مع اقتراب زواجها من بيزنس مان مصري.. دينا الشربيني: مابحبش البخيل ولا الخاين
كشفت الفنانة دينا الشربيني أهم صفات التي لا يمكن أن تتقبلها في أي رجل في طليعتها البخل قائلة: البخيل ده بيبقى بخيل في كل حاجة حتى المشاعر.
وأضافت خلال خلال حلولها ضيفة ببرنامج كلمة أخيرة الذي تقدمه الإعلامية لميس الحديدي على شاشة ON: البخل مش في الفلوس البخل في المشاعر والكلمة الحلوة والاهتمام والسؤال والمعاملة، وثاني صفة أرفضها الخيانة لأني مش ممكن أتحملها لآن الفكرة مش مفهومة بالنسبة لي ولو حصلت يبقى أمشي مع السلامة مش ممكن أقبلها لأن الخيانة غير مقبولة وبتهز حاجة جوه الست.
تصريحات دينا الشربيني
وعن تعرضها للخيانة قالت دينا الشربيني: تعرضت زمان للخيانة ومافيش بنت ماتعرضتش لخيانة، وحظها حلو بس اللي بتكتشف بدري.
وأردفت دينا الشربيني: فيه ستات بتتخان وبتعرف بس بتكمل لأسباب، إن البيت مفتوح ومعرفش إيه، وأنا أراهن أن الست من جواها بتكون مدمرة لأنها عارفة وساكتة وأنا مقدرش أبقى في الوضع ده لكن مقدرش أحكم على اللي بتقبل ده.
تصريحات دينا الشربيني
واستكملت دينا الشربيني: لما تعرضت للخيانة مشيت على طول، ووجعي الأكبر أن الخيانة جت من صديقتي من البنت مش من الراجل، ولم أواجهها حتى الآن، ومش بعرف أتعلم، ومش من النوع اللي بيندم ويقول يا ريتني عملت كذا، بحب أتعلم من اللي حصل لكن بنسى أحيانًا واكرر الغلط.
وعن قدرتها على التسامح قالت: جدًا وأبويا كان كده الله يرحمه، كان فيه ناس ممكن تعمل معاه حاجات وحشة وينساها، وأنا عندي الحتة دي شوية، ممكن تبقى عيب، لكن بعتقد إنها ميزة علشان مانبقاش شايلين من حد، كل تجربة بتعلم الإنسان حاجات، وأنا آمنت إن ربنا بيجيبلنا ناس في حياتنا في أوقات معينة، مثلا في قصة حبي الحالية أنا سعيدة جدًا أن حسين كان موجود وقت وفاة أمي وأبويا.
