شريف دسوقي يحيي الذكرى السنوية الأولى لوفاة مصطفى درويش: متخيل هنقابله في أي وقت
أحيا الفنان شريف دسوقي، الذكرى السنوية الأولى لوفاة الفنان الراحل مصطفى درويش، الذي رحل في مثل هذا اليوم الموافق 1 مايو، وصدم الوسط الفني أجمع بوفاته.
وقال شريف دسوقي في تصريح خاص لـ القاهرة 24، إنه لم يصدق حتى الآن وفاة الراحل، حيث جمعتهما مواقف كثيرة وقت مشاركتهما سويا في مسلسل بـ 100 وش، وأيضًا أثناء أزمة الأول.
شريف دسوقي يحيي الذكرى السنوية الأولى لـ مصطفى درويش
وأوضح شريف دسوقي: مصطفى درويش كان أخ عزيز وإنسان محترم ونموذج في كل شيء، عايش في قلبي لحد دلوقتي ومش قادر أصدق وفاته لغاية دلوقتي، ربنا يعوضه ويكافئه على قدر كل الخير اللى كان بيعمله في الدنيا، ولغاية النهاردة متخيل إني هقابله في أي وقت وهشوفه، مصطفى كان لي قيمة في قلبي كبيرة واتعلمت منه حاجات كتيرة مش ممكن أنسى مواقفه معايا في مسلسل بـ 100 وش وأزمتي الصحية.
وتابع شريف دسوقي: وقف كتير معايا أثناء أزمتي الصحية، وكان معايا 24 ساعة وبيسأل عليا، وأنا متأكد إن ربنا يرحمه وهيعوضه بكل الخير اللي قدمه لكل اللي بيحبوه، وأجمل حاجة في الإنسان لما يرحل نفضل نفتكره بكل الخير.
مسلسل بـ100 وش شارك فيه عدد كبير من الفنانين وأبرزهم نيللي كريم، آسر ياسين، شريف الدسوقي، مصطفى درويش، زينب غريب، دنيا ماهر،لؤي عمران، علا رشدي، حنان يوسف،وغيرهم من الفنانين، وهو من تأليف أحمد وائل وعمرو الدالي، وإخراج كاملة أبو ذكري.
