اعترافات قاتل صغير شبرا الخيمة: كنت بعطف عليه.. وأخدت أقراص مهدئة عشان اعرف اقتله| خاص
كشفت التحقيقات مع قاتل صغير شبرا الخيمة تفاصيل جديدة في الواقعة واعتراف المتهم باستدراج الطفل وتنفيذ طلب شخص مصري مقيم بالكويت، تعرف عليه عبر شبكة الدارك ويب الخاصة بتجارة الأعضاء البشرية، باختيار أحد الأطفال لسرقة أعضائه البشرية مقابل 5 ملايين جنيه.
اعترافات قاتل صغير شبرا الخيمة
ويواصل القاهرة 24 نشر تحقيقات القضية رقم 1820 لسنة 2024 إداري قسم أول شبرا الخيمة وجاءت أقوال قاتل صغير شبرا الخيمة كالتالي: المرحوم أحمد صغير شبرا الخيمة كنت أعرفه من شغلي في قهوة العديني وترددي عليها كزبون بعد ما سبت الشغل فيها، كنت بديله شيكولاتة وبعطف عليه، ومكنتش أعرف غيره، فبعت صورته لـ علي وقالي تمام ماشي، وقالي هنخدره وتاخده عندك الشقة تاخد العينات، وهيكلمني فيديو يشرحلي أعمل أيه علشان أخد العينات لما أطلع البيت، لأني مكنتش فاهم عينات أيه اللي عايزها غير إنها شوية دم عايزهم وخلاص.
واستكمل قاتل صغير شبرا الخيمة: وقبل التنفيذ بيوم بعتلي قائمة بالحاجات اللي محتاجينها، وكلمت واحد اسمه علي شغال عامل دليفري جنب قهوة العديني وبعتله القائمة قولتله أنا محتاجها من صيدلية عشان أخويا عيان، وكان فيها أدوية منومة وأمبولات وكانيولات وأنابيب وريدية وشاش وحاجات كتير تانية مش فاكرها، ورحتله أخدتهم من قدام الصيدلية مقابل 420 جنيه مش فاكر بالظبط، ويوم التنفيذ أخدت أقراص مهدئة كتير علشان متوترش ومترددش ورحت قعدت على القهوة.
وأردف: أنا عارف أحمد بينزل من بيته دائمًا متأخر على 10 بالليل يروح السايبر يلعب، وييجي القهوة يهزر مع الناس، فقعدت، وهو جالي قلتله أنا جايبلك هدية في البيت، هنروح مع بعض البيت أديهالك ونرجع تاني، وقلتله أمشي في الحارة اللي في وش القهوة وأمشي لحد شارع رشدي، وقابلته هناك واتمشينا مع بعض لحد البيت، وجبنا علبتين عصير تفاح، وطحنت قرصين منوم في البيت وفضيت العصير في كوباية وقلبته وشربته لأحمد.
طريقة ارتكاب جريمة قتل صغير شبرا
واستطرد قاتل صغير شبرا الخيمة: كل شوية علي اللي كان في الكويت يكلمني على الماسنجر يقولي هيدوخ دلوقتي وصورهولي وابعتلي الصورة، واديت أحمد الريموت قولتله هات كرتون، قالي لا أنا تمام، وبالفعل ابتدا يدوخ فحطتله دوائين منومين في كوباية مية بالشرائط، وقلبت المية بالأقراص وهوه كان دايخ خالص، فمسكت رأسه وشربته الكوباية، فنام تمامًا، وعلي كلمني فيديو وقفل الصورة بتاعته وكان شايف اللي أنا بعمله بس قال لي هات حبل اخنقه بيه علشان نسحب العينات، فجبت حزام وجيت أخنقه لقيت أحمد صحي فجأة ورجع تاني على ضهره فخنقته بالحزام ومتحركش خالص بعد كده ومات.
