عمر كمال عن انتقادات كليب أنا في البلد عضمة: الفئة بتاعتنا بتتهاجم.. وجاتلي عربية بنتلي هدية وبيعتها
علق مطرب المهرجانات عمر كمال، على انتقادات كليب أغنيته الجديدة أنا في البلد عضمة، التي تعاون فيها مع حسن شاكوش، وحمو بيكا، مؤكدًا أن السيارات التي ظهرت في الكليب هي خاصة بهم، ولكن أرقام السيارات ليست حقيقية.
وقال عمر كمال، خلال لقائه مع أميرة بدر في برنامج خلاصة الكلام، على قناة النهار: من ساعة لما ظهرنا والفئة بتاعتنا بتتهاجم ومش عارف ليه، بحاول ألاقي مبرر مش لاقي، في ناس عندها نظرة طبقية شوية، يعني حد مننا مينجحش لكن اللي برا ينجح.
وأضاف عمر كمال: بعض الناس بتقول إن اللي معاه شهادة بس هو اللي ينجح، ودول مش كل الناس، والكليب اتعمل لأن في واحد من الناس بتعمله مكائد وبتكلم في الأغنية أن ربنا بيوفقنا، وكل واحد انشغل في حاجة معينة، وأنا وحسن وبيكا أقوى مع بعض، ولما اتفرقنا نجاحنا اتفرق مبقاش بنفس قوته، ولما بنجتمع دايمًا بننجح نجاح حلو.
اشتغلت وتعبت وجالي عربية بنتلي قبل كده هدية
واستكمل عمر كمال: العربيات بتاعتنا، وأنا اشتغلت وتعبت وجالي عربية بنتلي قبل كده هدية، وبعتها لأنها مش عملية خالص ومش نافعة معايا ولا تنفع في شوارع القاهرة ومرتاحتش فيها، وأنا بحب العربيات العالية، وعندي عربية واحدة بس مش محتاج غيرها.
وأكد عمر كمال، أنه على الرغم من نجاحه الكبير في المهرجانات، ولكنه يحب لونه الأساسي، قائلًا: أنا عندي كنز مدفون اللي هو الغناء العادي بتاعي لسة محطتش إيدي عليه، المهرجانات والشعبي أضاف ليا وليا الشرف أني غنيتهم، ولكن أنا بحس أني بلاقي نفسي في اللون بتاعي الأساسي.
