اعترافات قاتل صغير شبرا: اشتغلت في جامع وكنت برفع الأذان والأهالي اتهموني بالسرقة | تحقيقات
لحظات من الرعب والرهبة عاشها الطفل أحمد، داخل الشقة المشؤومة بمنطقة عزبة عثمان بمدينة شبرا الخيمة بمحافظة القليوبية، والذي استدرجه فيها الجاني كي يقتله ويستولى على أعضائه البشرية، بالاتفاق مع شخص آخر، مقيم بدولة الكويت نظير 5 ملايين جنيه.
اعترافات قاتل صغير شبرا الخيمة
وحصل القاهرة 24، على نص تحقيقات القضية رقم 1820 لسنة 2024 إداري قسم أول شبرا الخيمة، وجاءت أقوال قاتل صغير شبرا الخيمة كالآتي:-
س: قررت لنا تركك منزلك منذ عشر أو أحد عشر عامًا، فإلى أين توجهت عقب تركك إياه؟
ج: أنا رحت سوق العبور الأول، اشتغلت على عربية فول لمدة أسبوع وكنت بنام هناك، ولفترة طويلة أوي بعد كده، قعدت اتمرمط في الشوارع رايح جي، ورحت اشتغلت في مسجد اسمه الصحابة بجوار معهد ناصر فترة سنة، وكنت ببات هناك وبرفع الأذان وبنظف الجامع، بس الناس هناك اتهموني في سرقة جاكيت أحد المصلين، وأخدوني على القسم وهناك عرفت إن عليا قضية تبديد، وخلصت الموضوع ومشيت من القسم ورجعت الجامع، بس الإدارة قالوالي أنهم مش عايزيني في الجامع فمشيت.
وأكمل المتهم طارق: وفضلت أدور على شغل لحد ما لقيت شغل في قهوة اسمها قهوة الصعايدة في شارع جسر البحر - ساحل روض الفرج، وقعدت في غرفة جنب القهوة في 8 ش عبد الجواد أمين وكانت تحت السلم، وقعدت في القهوة ديه حوالي 8 سنوات، ومشوني منها عشان فيه ناس اتهموني في سرقة شقة جنب القهوة، فمشوني من القهوة وما تعملش محضر باللي حصل، لأني مكنتش سرقت حاجة، وفضلت في الشارع شوية على الأرصفة، لحد ما عرفت سكة فلوس سهلة شوية، إني أبيع كليتي.
قاتل صغير شبرا: بتعاطى ترامادول وبشرب حشيش
س: وهل تتعاطى أية مواد مخدرة أو مسكرة؟
ج: أيوة، أنا ابتديت أتعاطى ترامادول في 2012 أو 2013، وبشرب حشيش كل فترة، وبشرب بيرة كل يوم.
س: وهل تعاني من أية أمراض نفسية تؤثر على قدرتك على الاختيار؟
ج: لا، أنا سليم الحمد الله، ممكن شوية اكتئاب بس بسبب الظروف المادية.
س: هل تتعاطى أية أدوية تؤثر على الصحة النفسية؟
ج: لا
