عصام كاريكا: لحنت لكل نجوم الوطن العربي.. وهذا موعد طرح أنا الذي لـ محمد منير
تحدث الفنان والملحن عصام كاريكا، عن سبب ابتعاده عن الغناء خلال السنوات الماضية، بجانب الكشف عن كلمات وموعد طرح أغنية أنا الذي لـ محمد منير، والتي أعاد من خلالها تعاونه مع الكينج.
عصام كاريكا: لحنت لكل نجوم الوطن العربي
وقال عصام كاريكا، في حواره مع الإعلامي عمرو الليثي، في برنامجه واحد من الناس، المذاع عبر شاشة قناة الحياة: أنا من 5 سنين وقفت خالص إني أعمل لنفسي أغاني وركزت في التلحين، وأنا في الأصل ملحن، ولحنت لكل نجوم الوطن العربي، و100 فنان غنوا من ألحاني، ومنهم الفنان فؤاد المهندس وليلى طاهر، وعبد المنعم مدبولي.
كلمات أغنية أنا الذي لمحمد منير
وعن تفاصيل أغنية أنا الذي لـ الكينج محمد منير، علق عصام كاريكا: أنا بحضر غنوة حلوة أوي لـ الكينج محمد منير، بتقول: أنا الذي غنى وطبل، أنا الذي بحر جبل، أنا اللي قلبي ياما اتبهدل، أنا ولد أصول، أنا الذي عاشق حبيت ياما روحت وجيت، ونمت من غير ما اتعشيت، بقى كده معقول؟!.
موعد طرح أغنية أنا الذي
وواصل عصام كاريكا: الأغنية هتنزل كمان أسبوع أو 10 أيام، وهتعجب الناس وعاملين حاجة محترمة، والمهم عندي إني أختار كلمة حلوة وتدوم.
وأضاف: أنا عندي أغاني بقالها 30 سنة بتتسمع لغاية النهاردة، وأنا بختار الكلمة اللي تبقى للزمن، وأعز 4 ألحان عندي: وهي عاملة إيه دلوقت لـ عمرو دياب، ودارت الأيام لـ راغب علامة ودي حدث في لبنان، وأعاتبك على إيه ولا إيه لـ محمد محي، ودي عملت نقلة في الموسيقى، وكمان أغنية فيلم بوحة.
